Jaho vinavaciać u tym, što jon «niapravilna pavioŭ siabie z klijentam-milicyjantam» i «ŭdzielničaŭ u pratestach». Na jaho zaviali dźvie kryminalnyja spravy.
Zatrymanaha kličuć Vital Šavuraŭ. Jamu 50 hadoŭ, jon rodam z horada Masty Hrodzienskaj vobłaści. Z 2011 pa 2015 hod mužčyna mieŭ IP i zajmaŭsia elektramantažnymi rabotami. Apošnija hady pracuje ŭ taksi.
Farmalnaj padstavaj zatrymańnia mužčyny stała toje, što jon niekali admoviŭsia vieźci milicyjanta. Praŭda, nieviadoma, ci ŭ palitycy była sprava i kali heta adbyłosia — anijakich dokazaŭ hetamu hubazikaŭcy ŭ svaim videa nie pryvodziać.
Paśla zatrymańnia hubazikaŭcy byccam by adšukali ŭ jahonym telefonie fota z pratestaŭ, u jakich jon udzielničaŭ u 2020-m. Taksama mužčyna kaža ŭ videa, što vyvoziŭ demanstrantaŭ na ŭłasnym aŭto, kab vyratavać ich ad zatrymańnia siłavikami.
Paviedamlajecca, što za heta — choć zhodna z zakonam u hetym niama nijakaha sastavu złačynstva — na mužčynu zaviali dźvie kryminalnyja spravy, i ciapier jon za kratami.
«Naša Niva» — bastyjon biełaruščyny
PADTRYMAĆAndrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary