Uładalnik bukmiekierskaj kantory PariMatch padaŭ u sud na prezidenta Ukrainy Uładzimira Zialenskaha ŭ suviazi z uviedzienymi suprać kampanii ŭkrainskimi sankcyjami, piša RBK.
Ukaz ab sankcyjach, jak skazana ŭ pazovie, byŭ padpisany «biez naležnych i dastatkovych na toje padstaŭ», a Zialenski nie rastłumačyŭ abstavinaŭ, jakija stali pryčynaj dla ŭviadzieńnia abmiežavańniaŭ.
PariMach padkreśliła, što paśla 24 lutaha 2022-ha jana spyniła luboje supracoŭnictva z rasijskimi kampanijami i prymaje ŭsie mahčymyja miery, kab spynić vykarystańnie abjektaŭ svajoj intelektualnaj ułasnaści na terytoryi Rasii. Akramia taho, jaje bienieficyjary — hramadzianie Ukrainy, a siarod akcyjanieraŭ niama rasijan, što paćvierdziła pravierka rehulatara.
Pazoŭ zjaviŭsia ŭ bazie 11 žniŭnia, pieršaje pasiadžeńnie pryznačana na 5 vieraśnia.
Sankcyi suprać PariMatch byli ŭviedzienyja ŭ siaredzinie sakavika terminam na 50 hadoŭ. Sankcyi byli ŭviedzienyja i suprać inšych bukmiekierskich kantor.
«Heta bolš za 280 kampanij i 120 čałaviek, jakija z-za schiem ź ihralnym biznesam pracavali suprać Ukrainy, vyvodzili srodki z našaj dziaržavy i finansavali roznyja rasijskija kambinacyi», — rastłumačyŭ tady Zialenski.
-
Nie prajšło i miesiaca, jak Tramp uziaŭsia za Maduru
-
Dvuchrazovy ŭładalnik premii «Oskar» Džyn Chekman i jaho žonka Bietsi Arakava znojdzienyja miortvymi ŭ svaim domie ŭ Santa-Fe
-
Intymnaje videa zasnavalnicy startapa, źniataje bieź jaje zhody, trapiła ŭ internet. Joj spatrebiłasia try hady, kab usio vydalić
Ciapier čytajuć
Intervju Łukašenki abvieścili ekstremisckim materyjałam9
Kamientary