«Rasijanie pavinny bajacca»: Łajma Vajkule «pradkazvaje» vajnu na terytoryi RF
Łatvijskaja śpiavačka Łajma Vajkule vykazałasia ab poŭnamaštabnaj vajnie, jakuju RF viadzie suprać Ukrainy. Pa słovach artystki, da hetaha jana vieryła ŭ ludziej i toje, što jany dobryja. Adnak zorku čakała rasčaravańnie.
«Kali pačałasia vajna, ja dumała, što ludzi značna lepšyja i litaściviejšyja. I dla mianie było vialikim rasčaravańniem… Čamu Rasija napała na Ukrainu? Źniščajucca ludzi, žyvioły, pryroda», —adznačyła Vajkule ŭ intervju 24 kanału, piša UNIAN.
Śpiavačka padkreśliła, što ŭ RF niama nijakich šancaŭ siabie apraŭdać. Vajkule vyrazna skazała, što fejki prapahandystaŭ Kramla ab pryčynach pačatku poŭnamaštabnaj vajny nie majuć nijakaha dačynieńnia da realnaści.
«Tut nie treba šukać nijakich apraŭdańniaŭ: Rasija vinavataja, jana ahresarka, jana napała absalutna biez usialakaj pryčyny. Niama pryčyny! «NATO pahražaje RF», «ukraincy b napali na rasijanaŭ» — heta ŭsio chłuśnia i vydumki, heta treba razumieć!» — zajaviła zorka.
Vajkule taksama dadała, što vajna moža pierajści i na terytoryi RF. Pa słovach śpiavački, rasijanam dakładna varta da hetaha rychtavacca.
«Vajna — heta tak strašna!.. Čamu vajna pavinna adbyvacca na adnoj terytoryi? Kali ludzi bjucca, to siniaki atrymlivajuć adny i druhija. Ja nie razumieju, čamu ludzi hetaha nie bajacca. Mnie zdajecca, ruskija taksama pavinny bajacca, kab vajna nie pačałasia na ich terytoryi. Ja amal upeŭnienaja, što heta adbudziecca», — reziumavała artystka.
Śpiavačka adkryta asudžaje vajnu i nazyvaje RF krainaj-ahresarkaj. Vajkule vystupaje suprać pucinskaha režymu i krytykuje Kreml za toje, što jon zładziŭ va Ukrainie.
Niadaŭna zorka nazaŭždy adrakłasia ad Rasii. Vajkule zajaviła, što bolš nikoli nie pajedzie na terytoryju krainy-ahresarki. Akramia hetaha, artystka «prajšłasia» pa pucinistu Illu Reźniku, jaki raniej byŭ jaje siabram. Pa słovach Vajkule, jon staŭ «adkrytym padliźnikam».
Ciapier čytajuć
Rasijanin z sudzimaściu zaniaŭsia dabračynnaściu ŭ Biełarusi. U niekatorych paśla dapamohi Dziadzi Jašy pačynajucca prablemy9
Kamientary