Ukraina jašče nie pieradała ZŠA abnoŭleny mirny płan, skazaŭ prezident Ukrainy Uładzimir Zialenski, adkazvajučy na pytańni žurnalistaŭ padčas anłajn-kanfierencyi 9 śniežnia. Ale jana hatovaja heta zrabić užo zaŭtra.
«Pracujem na ŭzroŭni našych daradcaŭ, siońnia i zaŭtra. Dumaju, zaŭtra ŭžo pieradadzim», — zajaviŭ Zialenski.
«Jość roznyja dakumienty. Jość ramačny dakumient z 20 punktaŭ, jaki ŭvieś čas mianiajecca. Žyvaja struktura, jakaja pavinna adpaviadać intaresam Ukrainy, Jeŭropy, śvietu. Druhi — heta harantyi biaśpieki. Ja čakaju prapanovy ad našych vajskoŭcaŭ i ich znosin z amierykancami. I heta treba abjadnać z pazicyjaj kaalicyi achvočych. Treci dakumient — adnaŭleńnie. Jon pavinien pracavać, kali zavieršycca vajna ci budzie spynieńnie ahniu», — dadaŭ Zialenski.
Jon zajaviŭ, što Kijeŭ zrobić usio ad jaho zaležnaje, kab pravieści sustreču na vyšejšym uzroŭni z ZŠA ciaham bližejšych dvuch tydniaŭ.
Adnosna mahčymaści ŭstupleńnia ŭ NATA jon adznačyŭ:
«My realisty. My sapraŭdy chočam u NATA — heta spraviadliva. Ale my dakładna viedajem, što ni ZŠA, ni jašče niekalki krain pakul nie bačać Ukrainu ŭ aljansie. I Rasija, biezumoŭna, nikoli nie budzie nas bačyć tam».
Pa słovach Zialenskaha, ZŠA chočuć, kab va Ukrainy byli realistyčnyja harantyi biaśpieki, uchvalenyja Kanhresam.
«Kab my heta adčuvali, kab u nas była zbroja. Kab, kali što, užyvalisia sankcyi, kab u nas była SPA […] Detali my pakul jašče nie prapracoŭvali».
Taksama jon padkreśliŭ, što hatovy pravieści prezidenckija vybary ŭ nastupnyja 60‑90 dzion pry ŭmovie harantavańnia biaśpieki padčas ich praviadzieńnia:
«Pakolki hetaje pytańnie siońnia padymaje prezident ZŠA, ja adkažu koratka — ja hatovy da vybaraŭ. Mała taho, ja prašu ciapier ZŠA dapamahčy mnie, možna razam ź jeŭrapiejskimi kalehami, harantavać biaśpieku dla praviadzieńnia vybaraŭ, i tady ŭ nastupnyja 60‑90 dzion Ukraina budzie hatovaja da praviadzieńnia vybaraŭ».
Taksama Zialenski źviarnuŭsia da ŭkrainskich parłamientaryjaŭ z prośbaj padrychtavać zakanadaŭčyja prapanovy, kab pamianiać zakon ab vybarach padčas vajennaha stanovišča.
Adnosna terytaryjalnaha pytańnia, to prezident Ukrainy adznačyŭ, što Rasija nastojvaje na pieradačy joj častki terytoryj, ale Ukraina hetaha nie razhladaje. Pa słovach Zialenskaha, pačynalnikam hetaj idei, źmieščanaj u mirnym płanie ZŠA, była mienavita Rasija. Pry hetym jon nie paćvierdziŭ, ale i nie abvierh infarmacyju, što ZŠA cisnuć, kab Ukraina pahadziłasia na terytaryjalnyja sastupki ŭ ramkach «mirnaha płana».
Što da ŭkrainskich terytoryj, jakija byli zachoplenyja Rasijaj daŭno, to Zialenski pryznaŭ:
«Siońnia, što tyčycca Kryma, u nas niama sił viarnuć absalutna naš ukrainski paŭvostraŭ Krym. I moža ja heta i skazaŭ na pieršaj sustrečy [z Donaldam Trampam]. Dumaju, ja mieŭ racyju. I skažu ščyra, tak, u nas siońnia niama sił na ŭsio heta. U nas niama dastatkovaj padtrymki dla ŭsiaho hetaha».
Zialenski pra vybary: Ja zaŭsiody hatovy
Pytańnie ab pieradačy Ukrainie zamarožanych rasijskich aktyvaŭ budzie vyrašana dniami
Tramp: Zialenskamu daviadziecca ŭziać siabie ŭ ruki i pryniać ździełku, bo Ukraina prajhraje ŭ vajnie
Tramp miarkuje, što va Ukrainie naśpieŭ čas pravieści prezidenckija vybary
Zialenski: Mirny płan ZŠA skaracili z 28 da 20 punktaŭ, ale ŭ Trampa ŭłasnaje bačańnie
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj89
Kamientary