Rasijskija vieterany vajny z Ukrainaj, jakija viarnulisia z frontu, užo zabili i pakalečyli bolš za 1000 čałaviek
Za amal čatyry hady vajny z Ukrainaj rasijskija ŭdzielniki bajavych dziejańniaŭ, jakija viarnulisia z frontu, zabili i pakalečyli bolš za 1000 čałaviek. Havorka idzie pra vajskoŭcaŭ, jakija viarnulisia da cyvilnaha žyćcia ŭ ramkach adpačynku, paśla ranieńnia, zakančeńnia kantrakta abo zvalnieńnia sa słužby. Rasijskaje vydańnie «Viorstka» pry ŭdziele niamieckaha Die Welt detalova vyvučyła sotni sudovych rašeńniaŭ.
Vyśvietliłasia, što ad ruk tych, chto viarnuŭsia z frontu, zahinuŭ jak minimum 551 čałaviek — 274 ź ich byli zabityja, 163 pamierli paśla atrymańnia ciažkich cialesnych paškodžańniaŭ, astatnija zahinuli ŭ DTZ i inšych złačynstvach.
Bolš za pałovu śmierciaŭ — na rachunku eks-źniavolenych. Z 281 raniej sudzimaha vajskoŭca, jakija paśla viartańnia z frontu znoŭ zabili abo pryčynili škodu, jakaja paciahnuła za saboj śmierć, jak minimum 142 siadzieli ŭ kałonijach za anałahičnyja złačynstvy.
Ad ruk udzielnikaŭ bajavych dziejaniaŭ, jakija viarnulisia, mocna paciarpieli jašče 465 čałaviek. Bolš za pałovu ź ich — 252 čałavieki — prypała na dolu byłych źniavolenych.
Bolšaść spraŭ — pobytovyja kanflikty, u pałovie ź jakich fihurujuć ałkahol i narkotyki. Čaściej za ŭsio achviarami stanoviacca svajaki i znajomyja vajskoŭcaŭ.
Z bolš čym 700 apublikavanych sudovych pastanoŭ, praanalizavanych «Viorstkaj», mienš jak u 10% vypadkaŭ sudździ nie ŭličyli ŭ jakaści źmiakčalnych abstavinaŭ udzieł abvinavačanych u bajavych dziejańniach. U 90% — pryniali da ŭvahi.
U rasijskim Vałhahradzie raniej sudzimy za razboj vieteran zabiŭ vieterana-zabojcu
«50 tysiač pamiłavanych hałavarezaŭ». U Rasii amal pałova zekaŭ, jakija viarnulisia z vajny, viartajecca za kraty, dzie ich znoŭ viarbujuć
Prysudžany da 25 hadoŭ kałonii za kanibalizm vałhahradziec źjechaŭ na vajnu z Ukrainaj
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj92
Kamientary