Baćku palitźniavolenaha padletka Mikity Załatarova asudzili treci raz zapar
Učora ŭ sudzie Centralnaha rajona Homiela adbyŭsia jašče adzin sud nad hamielčukom Michaiłam Łapunovym, piša «Viasna».
Jak i ŭ abodva papiarednija razy, jaho sudzili pavodle č. 2 art. 19.11 (raspaŭsiud ekstremisckich materyjałaŭ). Kiravała sudovym pracesam sudździa Alesia Vosipava.
Vyrak sudu, na žal, pakul nieviadomy. Raniej Michaiłu pryznačyli 30 sutak aryštu.
Syn Michaiła — Mikita — ci nie najmaładziejšy z zatrymanych u vyniku pratestaŭ 2020 hoda. Na toj momant 16-hadovaha Mikitu, chvoraha na epilepsiju, abvinavacili ažno pavodle troch artykułaŭ Kryminalnaha kodeksa i asudzili na 5 hadoŭ vychavaŭčaj kałonii.
Paźniej na chłopca zaviali jašče adnu kryminalnuju spravu — za toje, što jon nibyta napaŭ na supracoŭnika SIZA i pahražaŭ jaho rodnym.
Ahulny termin pakarańnia dla Mikity skłaŭ 4 hady i 6 miesiacaŭ vychavaŭčaj kałonii.
Kamientary