Hildyja scenarystaŭ Halivuda aficyjna zaviaršyła strajk. Aŭtary pahadzilisia na ŭmovy pradziusaraŭ
Zhodna z novym kantraktam, jaki budzie dziejničać da maja 2026 hoda, hanarary scenarystaŭ ciaham troch nastupnych hadoŭ vyrastuć bolš, čym na 12%.
Kamitet hildyi prahałasavaŭ za novaje pahadnieńnie, prapanavanaje Aljansam kino i telepradziusaraŭ. Zhodna z novym kantraktam, jaki budzie dziejničać da maja 2026 hoda, hanarary scenarystaŭ ciaham troch nastupnych hadoŭ vyrastuć bolš, čym na 12%. Akramia taho, aŭtary buduć atrymlivać adličeńni za svaje prajekty ad stryminhavych servisaŭ, kali jany buduć paśpiachovymi. Dla hetaha kinateatry buduć dzialicca ź imi danymi ab prahladach.
Taksama baki dasiahnuli pahadnieńnia ŭ pytańniach vykarystańnia štučnaha intelektu. Aŭtary majuć prava bačyć, ci vykarystoŭvajecca ich praca dla navučańnia ŠI.
Jany taksama mohuć vykarystoŭvać čat-boty dla stvareńnia scenaroŭ, adnak studyi pavinny paviedamlać pra materyjały, jakija byli zhienieravanyja z dapamohaj štučnaha intelektu.
Dakumient pavinien atrymać uchvaleńnie siabroŭ hildyi. Hałasavańnie siarod ich budzie prachodzić z 2 pa 9 kastryčnika, adnak scenarysty ŭžo mohuć viartacca da pracy z bujnymi studyjami.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary