Deputaty Pałaty pradstaŭnikoŭ na pasiadžeńni 11 śniežnia pryniali ŭ druhim čytańni prajekt biudžetu na 2010 hod.
Jak paviedamiŭ staršynia parłamienckaj kamisii pa biudžecie, finansavaj i padatkovaj palitycy Alaksandr Antonienka, praduhledžana admiena čatyroch padatkaŭ: zboru ŭ respublikanski fond padtrymki vytvorcaŭ sielhaspradukcyi; padatku na nabyćcio aŭtatranspartnych srodkaŭ; miascovaha padatku z prodažu tavaraŭ u roźničnym handli; miascovaha zboru z karystalnikaŭ za parkoŭku transpartnych srodkaŭ u śpiecyjalna abstalavanych miescach.
U metach kampiensacyi dachodaŭ biudžetu, źviazanaj z admienaj hetych padatkaŭ, staŭka padatku na dadadzienuju vartaść pavialičvajecca z 18% da 20%. Heta zabiaśpiečyć dadatkovyja pastupleńni ŭ biudžet 1,7 trłn. rubloŭ.
Dachody kansalidavanaha biudžetu na 2010 hod prahnazujucca ŭ sumie 53 trłn. rubloŭ (30,4% da VUP). Dachody respublikanskaha biudžetu praduhledžany ŭ pamiery 35,5 trłn. rubloŭ (120,7% da čakanaha ŭzroŭniu 2009 hoda).
Raschody kansalidavanaha biudžetu na 2010 hod prahnazujucca ŭ abjomie 55,7 trłn. rubloŭ (31,9% da VUP). Raschody respublikanskaha biudžetu sfarmiravany ŭ sumie 38 trłn. rubloŭ (na 23,5% bolš za ŭzrovień hetaha hoda).
Deficyt respublikanskaha biudžetu na 2010 hod sfarmiravany ŭ pamiery 2,7 trłn. rubloŭ (1,5% da VUP).
Antonienka ličyć, što vykanańnie biudžetu pavinna zabiaśpiečyć ekanamičny rost u krainie i minimizavać nastupstvy suśvietnaha finansavaha kryzisu.
Ciapier čytajuć
Anžalika Mielnikava paśla źniknieńnia nabyła dźvie kvatery ŭ Minsku14
Kamientary