Zdaroŭje22

«Virus nikudy nie źnik». Minzdaroŭja papiaredžvaje pra važnaść vakcynacyi suprać hrypu i kavidu

Namieśnik ministra achovy zdaroŭja Juryj Horbič nahadaŭ, čamu nieabchodna pryščaplacca ad hrypu i kavidu, i raskazaŭ, dzie i jakoj vakcynaj heta možna zrabić, piša BiełTA.

Fota: BiełTA

Jak adznačyŭ čynoŭnik, niahledziačy na pasłableńnie ŭvahi da jaho, virus nikudy nie źnik. «U nas, jak i va ŭsim śviecie, nazirajecca rost zachvaralnaści. Kampanija pa vakcynacyi ŭ Biełarusi takaja ž, jak štohod», — skazaŭ namieśnik ministra achovy zdaroŭja.

Tut varta zaznačyć, što ŭ Biełarusi bolš za hod nie ahučvajucca źviestki pra vypadki kavidu.

Juryj Horbič upeŭnieny, što vakcynacyja — samy efiektyŭny srodak prafiłaktyki zachvorvańnia.

«Ale apošnim časam ludzi stali stavicca da hetaha mierapryjemstva spakojniej, bo my zabylisia, što takoje epidemii adru, polijamielitu, naturalnaj vospy, jakija jašče litaralna ŭ pačatku minułaha stahodździa hubili vialiki adsotak nasielnictva Ziamli», — padzialiŭsia jon.

Namieśnik ministra achovy zdaroŭja nahadaŭ, što choć virus COVID-19 ciapier pieranosicca adnosna lohka i maje nizkuju śmiarotnaść, jon usio jašče chutka raspaŭsiudžvajecca.

«Nie dumaju, što kamuści pryjemna pravieści piać dzion doma z vysokaj tempieraturaj i nastupnym postkavidnym sindromam», — adznačyŭ Juryj Horbič.

Pavodle jaho słoŭ, ciapier u Biełarusi ad COVID-19 možna pryščapicca rasijskimi vakcynami «Ham-kavid-vak» («Sputnik»), «Sputnik łajt», a ŭ niekatorych miescach kubinskaj vakcynaj «Sabierana plus».

«Heta vakcyny, jakija całkam prajšli kantrol jakaści. Kolkaść antyhienu ŭ ich u paraŭnańni ź minułym hodam pavialičanaja ŭ try razy, i heta adpaviadaje najlepšym suśvietnym standartam», — padzialiŭsia namieśnik ministra achovy zdaroŭja.

Siońnia vakcyna jość absalutna va ŭsich arhanizacyjach achovy zdaroŭja.

Jak raspavioŭ Juryj Horbič, samy prosty sposab atrymać vakcynu — pryjści ŭ palikliniku pa miescy žycharstva.

Taksama jon adznačyŭ, što časam bujnyja pradpryjemstvy damaŭlajucca z arhanizacyjami achovy zdaroŭja, i tady vakcynu možna atrymać na pracoŭnym miescy ŭ miedpunkcie ŭ vyznačany čas i dzień.

Namieśnik ministra achovy zdaroŭja nahadaŭ ab mahčymych pabočnych efiektach i praviłach pavodzin paśla vakcynacyi.

Na nastupny dzień paśla vakcynacyi moža padniacca tempieratura, ale Juryj Horbič zapeŭnivaje, što heta narmalna. I ŭdakładniaje, što paśla pryščepki arhanizm adciahvaje svaje resursy na vypracoŭku imunitetu, jaho nielha pieranapružvać.

«Na praciahu 3-4 dzion paśla vakcynacyi nie varta zajmacca fizičnymi nahruzkami na piku svaich mahčymaściaŭ ci chadzić u łaźniu z tempieraturaj 140 hradusaŭ», — skazaŭ jon.

Namieśnik ministra taksama raźviančaŭ mif, što paśla pryščepki nielha chadzić u duš.

Ale nahadaŭ, što paŭhadziny paśla vakcynacyi lepš pravieści ŭ miedustanovie pad nahladam prafiesijanałaŭ, kab paźbiehnuć alerhičnych reakcyj.

Kamientary2

  • Pytańnie
    29.09.2023
    A ad hrypu jakija vakcyny jość?
    [Napeŭna, jość: U adnoj ź minskich paliklinik startavała biaspłatnaja vakcynacyja suprać hrypu https://nashaniva.com/327083 ]
  • Namieśnik bałaboła
    29.09.2023
    Ad novaha kavida pryviŭka starym 'sputnikam' nie dapamoža. 

    U ZŠA na 14 vieraśnia FDA zaćvierdžanyja tolki mRNA vakcyny ad Fajziera i Maderny. Viektarnyja vakcyny ad AstraZienieki, Džonsan i Džonsan nie zaćvierdžany, bo nie paśpieli zrabić ci nieefiektyŭnyja. Sputnik taksama viektarnaja i navat kali chto pačnie rabić jaje pad novuju mutacyju kavida sutykniecca z tymi ž prablemami.

    https://publichealth.jhu.edu/2023/what-to-know-about-the-updated-covid-19-vaccine-for-fall/winter-2023
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

U Biełarusi źbirajucca pravodzić renavacyju pa šlachu Rasii — znosić chruščoŭki i pierasialać žycharoŭ19

U Biełarusi źbirajucca pravodzić renavacyju pa šlachu Rasii — znosić chruščoŭki i pierasialać žycharoŭ

Usie naviny →
Usie naviny

U Kitai stvarajuć samuju mahutnuju kamieru nazirańnia, jakaja budzie raspaznavać tvary ludziej za 100 kiłamietraŭ4

U Dahiestanie maci prykavała dačku-školnicu da batarei, kali dziaŭčynka paskardziłasia na hrupavoje zhvałtavańnie2

U Minsku ŭ vyniku źniknieńnia elektryčnaści adbyŭsia zboj u padačy vady

«Ledź nie pierachryściłasia». Hałasavy pamočnik Alisa šakavaŭ karystalnikaŭ svajoj biełaruskaj movaj16

Tramp i Mask vyrašyli naviedać Fort Noks — adno z samych zakrytych miescaŭ u śviecie, achutanaje kanśpirałohijaj7

Pucin prapanavaŭ Trampu rasijski aluminij i redkaziamielnyja mietały6

U Rasii hučny skandał z płastyčnym chirurham ź Biełarusi — jaje statusnaja pacyjentka amal aślepła paśla šarahovaj apieracyi11

Błohier Vadimati: Majo «pakajannaje» videa siłaviki zdymali try razy. I ničoha nie vyjšła1

Alaksandr Vučyč pakajaŭsia, što Sierbija prahałasavała ŭ AAN za rezalucyju z asudžeńniem Rasii11

bolš čytanych navin
bolš łajkanych navin

U Biełarusi źbirajucca pravodzić renavacyju pa šlachu Rasii — znosić chruščoŭki i pierasialać žycharoŭ19

U Biełarusi źbirajucca pravodzić renavacyju pa šlachu Rasii — znosić chruščoŭki i pierasialać žycharoŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić