Fierenc Kraŭš. Fota: Matthias Schrader / AP
Vienhierski navukoviec Fierenc Kraŭš ź Instytuta Płanka (Niamieččyna), abvieščany adnym z troch łaŭreataŭ Nobieleŭskaj premii pa fizicy ŭ 2023 hodzie, maje namier pieradać svaju častku ŭznaharody achviaram vajny va Ukrainie, paviedamlaje Portfolio.
Z dvuma kalehami — Pjeram Ahaścini (univiersitet Ahajo, ZŠA) i En ŁJUlje (Łundski ŭniviersitet, Šviecyja) — daśledčyk padzielić 11 młn šviedskich kron (amal €947 tys.).
Ahaścini, Kraŭš i ŁJUlje atrymali premiju za stvareńnie mietadaŭ vyvučeńnia dynamiki elektronaŭ u rečyvie.
Paśla atrymańnia Nobieleŭskaj premii Kraŭš daŭ intervju radyjostancyi Deutschlandfunk, u jakim zajaviŭ, što pieradaść svaju dolu ŭ zasnavanuju im paŭtara hoda tamu asacyjacyju Science4People.
Jaje meta — abjadnać ludziej sa śvietu navuki dla akazańnia dapamohi paciarpiełym ad vajny va Ukrainie, havorycca ŭ artykule. Jak paviedamlajecca na sajcie arhanizacyi, jana dapamahaje dzieciam, jakija stracili svaje damy na ŭschodzie Ukrainy i evakujavanyja na zachad krainy.
Siońnia budzie nazvany nobieleŭski łaŭreat pa litaratury (14:00 pa Minsku).
Čytajcie taksama:
Nazvanyja pieršyja łaŭreaty nobieleŭskaj premii
Nobieleŭskuju premiju pa fizicy raździelać try čałavieki
Nazvanyja nobieleŭskija łaŭreaty pa chimii. Siarod ich — vychadziec z SSSR
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)