Bajkiera Andreja Ivaniušyna, jaki letam vyjšaŭ z kałonii, zatrymali pa novaj kryminalnaj spravie
Pravaabaroncam stała viadoma, što Andreja znoŭ zatrymali na pačatku žniŭnia. Jamu staviać u vinu try epizody pavodle art. 342 KK za ŭdzieł u akcyjach pratestu, piša «Viasna».
Andrej — bajkier ź Minska. Pieršy raz jaho zatrymali 1 lutaha 2021 hoda ŭ miežach kryminalnaj spravy, raspačataj za incydent, jaki adbyŭsia 19 vieraśnia 2020 hoda kala HC «Jeŭropa», kali nieviadomyja stali zatrymlivać adnaho z matacyklistaŭ, a astatnija pačali jaho abaraniać. U vyniku Andreja abvinavacili ŭ hvałcie ŭ dačynieńni da supracoŭnikaŭ milicyi (art. 364 KK).
26 lutaha 2021 hoda jamu prysudzili 2,5 hady kałonii. Svoj termin palitviazień adbyvaŭ u škłoŭskaj kałonii № 17. 2 červienia 2023 hoda Andrej vyjšaŭ na volu, adbyŭšy ŭ źniavoleńni 2 hady, 4 miesiacy i 1 dzień.
Kamientary