Za raspaŭsiud «ekstremizmu» ŭ Viciebsku aštrafavali hramadzianku Rasii
Sudździa Pieršamajskaha rajona Viciebska Michaił Jurčanka 13 vieraśnia za padpisku na «ekstremisckuju» staronku pastanaviŭ aštrafavać hramadzianku RF Natallu Kuksionak, jakaja žyvie ŭ Viciebsku.
Heta druhaja ŭ hetym hodzie administracyjnaja sprava, razhledžanaja z nahody raspaŭsiudu «ekstremizmu» ŭ dačynieńni da Kuksionak. Pieršaja była razhledžana pry kancy žniŭnia tym ža sudździoj.
U sudovym pasiedžańni stała viadoma, što fakt «supraćpraŭnych dziejańniaŭ» z boku Natalli byŭ ustanoŭleny supracoŭnikami milicyi ŭ budynku Upraŭleńnia ŭnutranych spravaŭ Viciebskaha abłvykankama. Zhodna z administracyjnym pratakołam, dziaŭčyna ŭ instahramie była padpisana na kanał Nexta.
Kuksionak u sudovym pasiedžańni svajoj viny ŭ ździajśnieńni pravaparušeńnia nie pryznała, admaŭlała namier raspaŭsiudžvać ekstremisckija materyjały, piša «Viciebskaja Viasna».
Minčanka pakinuła stanoŭčy vodhuk na sumku — i raptam vykryła zdradu čužoha muža20
Kamientary