Vykładčyka EHU, jakoha vinavaciać u charasmiencie, adchilili ad pracy. Na niekalki dzion
Nie ścichaje skandał vakoł Siarhieja Sialeckaha — vykładčyka EHU i mastaka, jakoha šerah studentak i eks-studentak abvinavačvajuć u charasmiencie. Univiersitet vydaŭ zajavu, zhodna ź jakoj Sialeckaha adchilajuć ad pracy, a taksama ładziać kamisiju pa rasśledavańni spravy.
Zajava, pra jakuju idzie havorka, źjaviłasia na sajcie EHU 10 kastryčnika. Pavodle jaje, admysłovaja kamisija budzie źbirać i analizavać infarmacyju, kab acanić nieabchodnaść prymianić dalejšyja pracedury, a taksama pilna razhladać apisanyja ŭ miedyja vypadki. U zajavie nie skazana, što havorka idzie kankretna pra abvinavačvańni Sialeckaha ŭ charasmiencie — jaho proźvišča nie nazyvajuć, a skandał źviazvajuć z «mahčymymi parušeńniami etyčnych standartaŭ prafiesijnaj dziejnaści».
Pradstaŭniki ŭniviersiteta śćviardžajuć, što ŭ skład kamisii ŭklučanyja studenty, vykładčyki, pradstaŭniki kamisii pa akademičnaj etycy i Sienata EHU. Akramia taho, univiersitet płanuje stvaryć asobnuju kamisiju z udziełam niezaležnych ekśpiertaŭ, jakaja vyvučyć abstaviny, što stali padstavaj dla publikacyj u miedyja, i spravazdačycca asnoŭnaj kamisii. Abiacajuć biaśpiečnyja kanały kamunikacyi i ananimnaść dla achviar, čyje kiejsy kamisija budzie razhladać.
Zhodna z zajavaj, ciapier Siarhiej Sialecki adchileny ad pracy da 13 kastryčnika, ale hetaje rašeńnie moža być praciahnuta.
Pradstaŭniki EHU abiacajuć zładzić va ŭniviersitecie aśvietnickija mierapryjemstvy nakont standartaŭ prafiesijnaj etyki, a taksama palapšać pracu z parušeńniami akademičnaj etyki.
Skandał vakoł Siarhieja Sialeckaha razhareŭsia ŭ vieraśni. U adnoj ź biełaruskich prastor Vilni płanavałasia jaho vystava, ale praz abvinavačańni studentak u bok mužčyny vystavu admianili. Padrabiaźniej možna pračytać u našym artykule.
«Naša Niva» — bastyjon biełaruščyny
PADTRYMAĆ«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary