Biełaruski inviestar hruba adkazaŭ startapieru praz hramatyčnuju pamyłku. Zatoje ciapier startap moža atrymać šans

Da jaho źviarnuŭsia čałaviek, jakoha kličuć Hery. Jon vietliva apisaŭ svoj prajekt i patłumačyŭ, čamu jon važny. Ale ŭ jahonym dopisie była para hramatyčnych pamyłak — da prykładu, jon napisaŭ there zamiest their. U adkaz Machaniok napisaŭ, što jany «nie finansujuć niepiśmiennych zasnavalnikaŭ startapaŭ».

Hery vykłaŭ pierapisku ŭ svoj tvitar-akaŭnt, i jana zavirusiłasia, nabraŭšy amal dva miljony prahladaŭ i pad 600 repostaŭ. «Hety vienčurny inviestar «zaciata» dapamahaje startapieram-mihrantam. Iranična… Možna admović i biez skoctva», — napisaŭ jon.

Pavialičyć

Paśla hetaha Machaniok spačatku apublikavaŭ u svaim tvitar-akaŭncie apytańnie. Sens jaho zvodziŭsia da taho, ci varta ŭsurjoz razhladać prapanovy inviestaraŭ, jakija dapuskajuć hramatyčnyja pamyłki. Kala 80% karystalnikaŭ adkazali, što hramatyka nie tak važnaja.

Pavialičyć

Paśla taho, jak post Hery staŭ virusnym, na Machańka zvaliłasia davoli šmat nianaviści, a jon napisaŭ vybačalny post. «Z majho boku heta było hruba i zanadta. Čas ad času kiepskaja ranica zakančvajecca voś tak. Prabačcie! Na drennyja pavodziny varta źviartać uvahu, akurat tak i adbyłosia», — napisaŭ Ihar.

Pavialičyć

Ale chvalu nianaviści było nie spynić — karystalniki prypomnili inviestaru apytańnie, jakoje jon vykłaŭ za paru hadzinaŭ da taho. «Spačatku vy padvoili staŭki, a paśla zrazumieli: «Čort, hramadskaść nie na maim baku, davajcie ja chutka pieraabujusia», — piša adzin z karystalnikaŭ. Šmat inšych kamientaroŭ vytrymanyja ŭ takim ža duchu, dachodzić i da adkrytych abrazaŭ.

Pavialičyć

Niekatoryja kažuć, što adkaz Ihara byŭ vyklučna hrubym. A adzin z karystalnikaŭ padzialiŭsia, što za ŭsie hady zvarotaŭ u fondy ź im nie adbyvałasia ničoha padobnaha, i zaklikaje jaho da adkaznaści.

Pavialičyć

Praŭda, častka karystalnikaŭ padtrymała Ihara — heta ŭ tym liku i tyja, chto ź im pracavaŭ jak ź inviestaram. Ludzi kažuć, što kožny moža pamylicca i być hrubym. Adzin z karystalnikaŭ piša: «My prymajem vašy vybačeńni, prosta ciapier trochu baluča. Dajcie trochu času, i dziakuj za toje, što vybačylisia».

Pavialičyć

Ihar raskazaŭ «Našaj Nivie», što ŭ vyniku razhledzić mahčymaść prafinansavać startap Hery:

«Ja vybačajusia pierad Hery i inšymi, kaho moj rezki adkaz začapiŭ; ja nie mieŭ racyi. Ja prapanavaŭ Hery parazmaŭlać pra jahony startap. Naša misija — padtrymlivać imihrantaŭ, jakija budujuć inavacyjnyja kampanii, i my praciahvajem inviestavać u vydatnych faŭndaraŭ».

Čytajcie taksama:

Supieržančyna Aktobierfestu: u sacsietkach virusicca videa, dzie aficyjantka niasie 13 kuflaŭ piva za raz

Google adsočvaje miescaznachodžańnie ŭsich karystalnikaŭ, navat kali jany sami adklučyli hetuju funkcyju

Šolc, jak i chacieŭ, atrymaŭ porcyju miemaŭ praz fota z paviazkaj

• 13
• 0
• 6
• 38
• 4
• 1
• 3
• 0