Google adsočvaje miescaznachodžańnie ŭsich karystalnikaŭ, navat kali jany sami adklučyli hetuju funkcyju
Pra heta śviedčyć aficyjnaje rasśledavańnie ŭład Kalifornii, jakoje vyliłasia ŭ bujny pazoŭ suprać Google za tajemnaje sačeńnie za ludźmi.
Vydańnie The Guardian źviarnuła ŭvahu na rasśledavańnie hienieralnaj prakuratury amierykanskaha štata Kalifornija, jakoje nakiravana suprać technałahičnaha hihanta Google. Zychodziačy ź jaho, Google praciahvaje adsočvać miescaznachodžańnie tych karystalnikaŭ, jakija admianili hetuju funkcyju na svaich pryładach.
«Naša rasśledavańnie pakazała, što Google naŭmysna ihnaruje admovu karystalnikaŭ ad funkcyi adsočvańnia miescaznachodžańnia i praciahvaje sačyć za ludźmi tajemna dziela kamiercyjnaj vyhady. Heta nieprymalna, my pryciahniem Google da adkaznaści», — zajaviŭ hienieralny prakuror Kalifornii Rob Bonta, pieradaje The Guardian.
Čynoŭnik taksama adznačyŭ, što prablema tyčycca i tarhietavanaj rekłamy, aryjentavanaj na znachodžańnie karystalnika. Jaje taksama nielha adklučyć, niahledziačy na naminalnuju mahčymaść ad jaje admovicca.
Sama karparacyja svajoj viny ŭ tajemnym sačeńni nie pryznaje, ale pry hetym vyrašyła zamiać skandał i zapłacić vialikuju sumu hrošaj dla skasavańnia abvinavačańniaŭ razam z vykanańniem sa svajho boku dadatkovych umoŭ.
«Google zapłacić 93 miljony dalaraŭ dla ŭrehulavańnia abvinavačańniaŭ u svoj adras, a taksama zrobić svoj praces adsočvańnia karystalnikaŭ bolš prazrystym, papiaredžvajučy ich zahadzia ab faktach vykarystańnia ich hieadanych dla stvareńnia rekłamy dla asobnych ludziej», — piša The Guardian.
Raniej my pryvodzili prostuju instrukcyju, jak u kartach Google možna całkam schavać vaš dom, kali vy nie chočacie, kab jaho bačyli inšyja ludzi.
Miesiendžary, kamiery, žučki. Jak śpiecsłužby mohuć prasłuchoŭvać biełarusaŭ i čaho aścierahacca?
Što takoje Bluesky, kudy biełarusy sychodziać z tvitara? I ŭ jakim stanie ciapier Bel_sky?
Što palahčaje žyćcio turystu? Top-10 mabilnych prahram i servisaŭ dla pachodaŭ i padarožžaŭ
Jak pačyścić vaš akaŭnt u Google Play — pakrokavy hajd
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»1414
Kamientary