U dačynieńni da kiraŭnictva ŭstanovy raspačata kryminalnaja sprava. 21-hadovuju kasirku abmieńnika hetaha banka zabili 10 śniežnia.
U dačynieńni da kiraŭnictva ŭstanovy raspačata kryminalnaja sprava. 21-hadovuju kasirku abmieńnika hetaha banka zabili 10 śniežnia.
Pra kryminalnuju spravu 15 śniežnia žurnalistam u Minsku paviedamiŭ načalnik adździeła infarmacyi i hramadskich suviaziaŭ Hienprakuratury Piotr Kisialoŭ.
Pavodle jaho słoŭ, 15 śniežnia pa ŭkazańni hienieralnaha prakurora prakuroram Minska zaviedziena sprava ŭ dačynieńni da kiraŭnictva «Absalutbanka» pa č. 3 art. 425 Kryminalnaha kodeksa (biaździejnaść ułady).
Hety artykuł praduhledžvaje adkaznaść słužbovych asob, jakija nie naležnym čynam vykonvali svaje abaviazki, što spryčyniłasia da ciažkich nastupstvaŭ.
U Hienprakuratury nie nazyvajuć kankretnych asob, u dačynieńni da jakich zaviedziena kryminalnaja sprava.
«Śledstva vyznačyć, chto vinavaty i ŭ jakoj stupieni», — padkreśliŭ Kisialoŭ.
Nahadajem, 10 śniežnia ŭ vyniku razbojnaha napadu na abmienny punkt «Absalutbanka» kala staličnaha ŭniviersama «Aŭtazavodski» była zabita 21‑hadovaja kasir.
Piotr Kisialoŭ raspavioŭ, što ŭ krasaviku hetaha hoda paśla šerahu dziorzkich napadaŭ na abjekty bankaŭ i ŭzłomu bankamataŭ Hienieralnaja prakuratura nakiravała ŭ Nacyjanalny bank list z rekamiendacyjami techničnaha ŭmacavańnia abjektaŭ bankaŭskaj sistemy, pavyšeńnia ich abaronienaści.
Adnak situacyja kardynalna nie źmianiłasia, adznačyŭ Kisialoŭ.
Druhi anałahičny list byŭ nakiravana ŭ žniŭni. «I paśla jaho vyčarpalnych zachadaŭ nie było», — kanstatavaŭ pradstaŭnik Hienprakuratury.
Z pačatku 2009 hoda ŭ Biełarusi zarehistravana siem faktaŭ napadu na bankaŭskija abjekty i rabavańnie bankamataŭ.
Hrupa rabaŭnikoŭ, jakija z dapamohaj zvaračnaha aparata ŭskkryła bankamat «Bielinviestbanka» ŭ Breście, zatrymanaja ŭ Branskaj vobłaści. Kisialoŭ nie vyklučaje, što i da apošniaha złačynstva mohuć być datyčnyja «zamiežnyja hastralory».
Pradstaŭnik Hienprakuratury adznačyŭ, što
abmienny punkt «Absalutbank», dzie zabili kasira, nie byŭ abstalavany ni srodkami nazirańnia, ni achovaj.
«Heta spryjała tamu, što złačynca zmoh praniknuć ŭnutr i ździejśnić złačynstva», — skazaŭ Piotr Kisialoŭ.
Pavodle jaho słovaŭ, zaraz pravodzicca pravierka techničnaj asnaščanaści inšych bankaŭ. Kisialoŭ ŭpeŭnieny, što stanoŭčyja zruchi ŭ hetym napramku źjaviacca.
«Va ŭsich bankach hrošy zastrachavany, i strat jak by niama. Pazicyja Hienieralnaj prakuratury zaklučajecca, u pieršuju čarhu,
u nieabchodnaści abarony bankaŭskich rabotnikaŭ», — adznačyŭ Kisialoŭ.
Zakranajučy niepasredna zabojstva, jon paviedamiŭ, što adpracoŭvajucca roznyja viersii. «Jość rečavyja dokazy, jakija mohuć pasłužyć klučom da raskryćci złačynstva», — skazaŭ pradstaŭnik Hienprakuratury.
Kamientary