Lidar KNDR Kim Čen Yn i kiraŭnik MZS Rasii Siarhiej Łaŭroŭ abmierkavali «inicyjatyŭnaje reahavańnie» Pchieńjana i Maskvy na składanuju rehijanalnuju i mižnarodnuju abstanoŭku na asnovie «stratehičnaha ŭzajemnaha davieru». Pra heta paviedamlaje TASS sa spasyłkaj na Centralnaje telehrafnaje ahienctva Karei (CTAK).
«U hutarcy tavaryš Kim Čen Yn i Siarhiej Łaŭroŭ abmierkavali i syšlisia ŭ mierkavańni adnosna najvažniejšych pytańniaŭ, jakija ŭjaŭlajuć uzajemnuju cikavaść. Siarod ich — pytańni ab inicyjatyŭnym reahavańni dźviuch krain — KNDR i RF — na składanuju rehijanalnuju i mižnarodnuju abstanoŭku na asnovie tryvałaha palityčnaha i stratehičnaha ŭzajemnaha davieru, ab płanamiernym pašyreńni ahulnymi namahańniami dvuchbakovych suviaziaŭ va ŭsich napramkach», — havorycca ŭ paviedamleńni karejskaha ahienctva.
Sustreča, jak adznačajecca, prajšła ŭ siabroŭskaj i ciopłaj atmaśfiery.
Akramia taho, jak adznačajecca, «Kim Čen Yn vykazaŭ nieparušny namier partyi i ŭrada Respubliki paŭnavartasna realizavać damoŭlenaści, dasiahnutyja na karejska-rasijskim samicie, kab vybudavać stabilnyja na doŭhija časy i skiravanyja ŭ budučyniu karejska-rasijskija adnosiny ŭ novuju epochu, na asnovie čaho palepšyć dabrabyt narodaŭ dźviuch krain i mahutna stymulavać spravu pabudovy mocnaj dziaržavy».
U pačatku sustrečy lidar KNDR vitaŭ vizit Łaŭrova, hutarka ź jakim, jak adznačaje CTAK, była «pierapoŭnienaja pačućciom braterstva».
Kim Čen Yn paprasiŭ kiraŭnika MZS RF «pieradać tavaryšu Pucinu i brackamu rasijskamu narodu ščyraje pryvitańnie ad partyi, urada i naroda» KNDR. Lidar KNDR «z pačućciom uspomniŭ» sustreču z Pucinym u vieraśni i adznačyŭ, što jana «ŭpisała jarkuju staronku ŭ historyju tradycyjnaj karejska-rasijskaj družby».
Z 12 da 17 vieraśnia Kim Čen Yn naviedvaŭ Rasiju.
Ekśpierty vyjavili imaviernyja šlachi pastavak zbroi z KNDR u Rasiju
Ułady KNDR vyrašyli departavać amierykanskaha vajskoŭca, jaki źbieh u hetuju krainu z Paŭdniovaj Karei
Kim Čen Yn padniaŭ tost za pieramohu Rasii i vykazaŭ padtrymku ahresaru ŭ «śviaščennaj baraćbie»
Pucin «z radaściu pryniaŭ zaprašeńnie darahoha tavaryša Kim Čen Yna» naviedać KNDR
Kim Čen Ynu pakazali bajavyja samaloty i «Kinžał» va Uładzivastoku
Ciapier čytajuć
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj58
Łukašenka nazvaŭ patrabavańni i pretenzii da Litvy: alternatyŭny ŭrad, charuhvy, port, mašyny dla Zimbabve, sanatoryj
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1717
Kamientary