Va Uzbrojenych siłach Ukrainy sfarmavali bataljon «Sibir». Jon składajecca całkam z hramadzian Rasii etničnych mienšaściaŭ
Dobraachvotniki tłumačać, što pakinuli Rasiju, kab dałučycca da ŭkrainskaj armii.
Bataljon «Sibir» abjadnaŭ dziasiatki ruskich i pradstaŭnikoŭ etničnych mienšaściaŭ Rasii, jakija pryjechali praz trecija krainy, kab dałučycca da ŭkrainskaj armii, pa słovach aficyjnych asob, jakija znachodziacca ŭ ich trenirovačnym łahiery, piša «Ukrainskaja praŭda» sa spasyłkaj na Bloomberg.
U adroźnieńnie ad dobraachvotnickich hrup, takich jak lehijon «Svaboda Rasii», jakija zajavili ab padtrymcy Ukrainy, hetyja sałdaty źjaŭlajucca častkaj rehularnaha ŭkrainskaha vojska i čakajuć, što ich vielmi chutka adpraviać u boj.
Siarod ich jość pradstaŭniki takich narodaŭ, jak jakuty i buraty, jakija pražyvajuć u vielizarnym Uschodnie-Sibirskim rehijonie Rasii i zajavili, što chočuć niezaležnaści ad Rasii i razhladajuć pieramohu Ukrainy ŭ vajnie jak krok da hetaj mety».
Dobraachvotniki tłumačać, što pakinuli Rasiju, kab dałučycca da ŭkrainskaj armii.
Ukrainskija aficyjnyja asoby zajavili, što raźličvajuć pryciahnuć bolš rasijskich hramadzian, asabliva ź liku nacyjanalnych mienšaściaŭ, da ŭdziełu ŭ vajnie suprać RF.
Bajcy bataljona «Sibir» prajšli pravierku na prychilnaść Ukrainie, a zatym padpisali vajenny kantrakt, atrymaŭšy vajskovyja pazyŭnyja dla abarony svajoj identyčnaści.
Usie siabry 60-ha bataljona źjaŭlajucca dobraachvotnikami, i nivodny ich nie byŭ nabrany ź liku rasijskich vajennapałonnych, paviedamiŭ pradstaŭnik ukrainskaj armii.
Pavodle jaho słoŭ, ukrainskija vajskoŭcy płanujuć paskoryć pravierku bijahrafičnych danych, jakaja moža doŭžycca ceły hod, kab zaachvocić bolš rasijcaŭ dałučycca da ich šerahaŭ.
Kamientary