Pry šturmie Aŭdziejeŭki rasijskaja armija straciła kala 200 adzinak braniatechniki — brytanskaja raźviedka
Takija straty rasijanie panieśli z-za efiektyŭnaści sučasnaj ukrainskaj ručnoj supraćtankavaj zbroi, min, skidańnia bojeprypasaŭ ź bieśpiłotnikaŭ.
Za apošnija try tydni padčas šturmu Aŭdziejeŭki ŭ Danieckaj vobłaści rasijskija akupacyjnyja vojski stracili blizu 200 adzinak braniatechniki.
Takija straty rasijanie panieśli z-za efiektyŭnaści sučasnaj ukrainskaj ručnoj supraćtankavaj zbroi, min, skidańnia bojeprypasaŭ ź bieśpiłotnikaŭ, a taksama vysokadakładnych artyleryjskich sistem, adznačyli ŭ brytanskaj raźviedcy.
Pa źviestkach viedamstva, paśla takich prablem u braniatechnicy akupacyjnyja vojski RF pačali vykarystoŭvać motapiachotu dla napadaŭ na Aŭdziejeŭku.
Jak i papiarednija rasijskija nastupy, šturmy Aŭdziejeŭki časta charaktaryzavalisia prasoŭvańniem pa adkrytaj miascovaści, što pryvodziła da vialikich strat u asabovym składzie.
Brytanskaja raźviedka miarkuje, što z pačatku kastryčnika Rasija ŭ šturmach za horad straciła niekalki tysiač sałdat.
«Rasijskaje kamandavańnie praciahvaje demanstravać hatoŭnaść nieści vialikija straty asabovaha składu dziela niaznačnych terytaryjalnych dasiahnieńniaŭ», — havorycca ŭ paviedamleńni.
Raniej raźviedka paviedamiła, što ni ŭkrainskija, ni rasijskija vojski nie zdolnyja prarvać liniju frontu va Ukrainie z-za nadziejnaj supraćpavietranaj abarony abodvuch bakoŭ i vielizarnaj linii sudakranańnia, jakuju nieabchodna ŭtrymlivać.
Załužny: Vajna zajšła ŭ tupik. Jana moža zaciahnucca na hady i vymatać ukrainskuju dziaržavu
«Patrebnyja novyja technałohii, kab prarvacca ŭ takoj vajnie». Załužny apublikavaŭ novy prahramny artykuł
U Ofisie prezidenta Ukrainy paraili Załužnamu nie vynosić situacyju na froncie na publiku
Zialenski: Sproby nastupu rasijskich vojskaŭ pad Vuhladaram paśpiachova adbityja
Kamientary