Пры штурме Аўдзееўкі расійская армія страціла каля 200 адзінак бранятэхнікі — брытанская разведка
Такія страты расіяне панеслі з-за эфектыўнасці сучаснай украінскай ручной супрацьтанкавай зброі, мін, скідання боепрыпасаў з беспілотнікаў.
За апошнія тры тыдні падчас штурму Аўдзееўкі ў Данецкай вобласці расійскія акупацыйныя войскі страцілі блізу 200 адзінак бранятэхнікі.
Такія страты расіяне панеслі з-за эфектыўнасці сучаснай украінскай ручной супрацьтанкавай зброі, мін, скідання боепрыпасаў з беспілотнікаў, а таксама высокадакладных артылерыйскіх сістэм, адзначылі ў брытанскай разведцы.
Па звестках ведамства, пасля такіх праблем у бранятэхніцы акупацыйныя войскі РФ пачалі выкарыстоўваць мотапяхоту для нападаў на Аўдзееўку.
Як і папярэднія расійскія наступы, штурмы Аўдзееўкі часта характарызаваліся прасоўваннем па адкрытай мясцовасці, што прыводзіла да вялікіх страт у асабовым складзе.
Брытанская разведка мяркуе, што з пачатку кастрычніка Расія ў штурмах за горад страціла некалькі тысяч салдат.
«Расійскае камандаванне працягвае дэманстраваць гатоўнасць несці вялікія страты асабовага складу дзеля нязначных тэрытарыяльных дасягненняў», — гаворыцца ў паведамленні.
Раней разведка паведаміла, што ні ўкраінскія, ні расійскія войскі не здольныя прарваць лінію фронту ва Украіне з-за надзейнай супрацьпаветранай абароны абодвух бакоў і велізарнай лініі судакранання, якую неабходна ўтрымліваць.
Залужны: Вайна зайшла ў тупік. Яна можа зацягнуцца на гады і выматаць украінскую дзяржаву
«Патрэбныя новыя тэхналогіі, каб прарвацца ў такой вайне». Залужны апублікаваў новы праграмны артыкул
У Офісе прэзідэнта Украіны параілі Залужнаму не выносіць сітуацыю на фронце на публіку
Зяленскі: Спробы наступу расійскіх войскаў пад Вуглядарам паспяхова адбітыя
Цяпер чытаюць
Сяргей Ціханоўскі запусціў свой ютуб-канал з вершамі і казкамі92
Каментары