Uvosień tyktok zachapili iraničnyja roliki, kali na fonie niejkaj niepryjemnaj žyćciovaj akaličnaści žančyna ŭ barvovym razvodzić rukami i śpiavaje pa-anhlijsku «Siurpryz, siurpryz». Raspaviadajem pra toje, chto jana takaja i da jakich siurpryzaŭ sapraŭdy mieła dačynieńnie.
Pryscyła Maryja Vieronika Uajt naradziłasia ŭ razhar Druhoj suśvietnaj vajny, 27 maja 1943 hoda ŭ rajonie Vokschał Livierpula. Sama siamja mieła irłandskija karani, a tamu trymałasia katalickaj viery ŭ spres pratestanckaj Anhlii.
Livierpul — heta anhlijski partovy horad na ŭźbiarežžy Irłandskaha mora. Jak najbujniejšy port na zachodnim uźbiarežžy, jon mieŭ stratehičnaje značeńnie dla abarony Vialikabrytanii. U mai 1941 hoda ŭ vyniku siamidzionnaj bambardziroŭki nacystaŭ, jakija skinuli z 681 bambardziroŭščyka bolš za 2000 bombaŭ, horad byŭ spustošany. Razburany, ale niaskorany, Livierpul daŭ paślavajennaj Brytanii mnohich suśvietnaviadomych zorak.
Adnoj z takich imknułasia stać i Pryscyła Uajt. Padčas pracy ŭ kamiercyjnym kaledžy jana ŭładkavałasia na paŭstaŭki prybiralščycaj u livierpulski kłub Cavern Club. Vybar byŭ nievypadkovym — kłub byŭ centram rok-n-rołu ŭ kancy 1950-ch — pačatku 1960-ch hadoŭ. Ale najbolš viadomy jon tym, što ciesna źviazany z hurtam The Beatles, jaki za paru hadoŭ vystupiŭ tut ažno 292 razy.
Impravizavanyja vystupleńni Siły byli zaŭvažany bitłami i ŭ chutkim časie jaje zaprasili śpiavać u kłubach. Psieŭdanim-antonim źjaviŭsia vypadkova: u miascovym muzyčnym vydańni, raspaviadajučy pra śpiavačku, dapuścili pamyłku, pierabłytaŭšy Uajt (bieły) i Błek (čorny). Ale śpiavačka ŭrešcie stała vystupać mienavita pad hetym novym imiem.
Užo druhi sinhł Błek, kavier na pieśniu «Anyone Who Had a Heart», uźlacieŭ na pieršaje miesca ŭ brytanskich čartach. Jaho słavu paŭtaryła pieśnia «You're My World», anhlijski kavier na papularnuju italjanskuju pieśniu «Il Mio Mondo» Umbierta Bindzi. Abiedźvie pieśni byli pradadzieny tyražom bolš za miljon kopij pa ŭsim śviecie i stali «załatymi».
Pieśnia «You're My World» moža być znajoma bolš šyrokamu kołu pa saŭndtreku da psichałahičnaha filma žachaŭ «Minułaj nočču ŭ Socha» 2021 hoda, dziejańnie jakoha častkova adbyvajecca ŭ 1960-ja.
Sama Błek pieśniaŭ nie pisała, ale vykonvała tvory, napisanyja Lenanam, Mak-Kartni, Fiłam Śpiektaram, Tomam Chardynam, Biertam Bakarakam i inšymi. Pieśni ŭ jaje vykanańni jašče nie raz traplali ŭ brytanskija čarty.
Błek udzielničała ŭ muzyčnych šou na telebačańni, a voś sproby Epstejna zrabić jaje jašče i kinaaktrysaj paciarpieli pravał. Za hod da śmierci pradziusara ŭ 1967 hodzie ad pieradaziroŭki narkotykaŭ ich adnosiny sa śpiavačkaj sapsavalisia. Siła adčuvała, što Epstejn nadaje mała ŭvahu jaje karjery, a jaje sinhły «A Fool Am I» i «What Good Am I?» nie mieli vialikaha pośpiechu.
Viarnucca ŭ vierchnija radki čartaŭ Błek zmahła tolki ŭ 1969 hodzie ź pieśniami «Conversations» (7-y radok), «Surround Yourself with Sorrow» (3-i), jašče adzin pośpiech pryniesła kampazicyja «Something Tells Me (Something's Gonna Happen Tonight)», jakaja zaniała taksama treci radok u brytanskim čarcie. Uvieś čas jana praciahvała supracoŭničać ź bitłami. Sa svaim mieniedžaram Bobi Uilisam, jaki viarnuŭ joj słavu paśla śmierci Epstejna, jana ŭrešcie pabrałasia šlubam.
Z 1968 pa 1976 hady jany viała na kanale BBC ułasnaje šou Cilla, a z 1975 hoda była hałoŭnaj hierainiaj kamiedyjnych pjes «Cilla's Comedy Six» na kanale ITV.
Praŭda, da pačatku 1980-ch hadoŭ karjera Błek skaciłasia da vystupaŭ u kabare i na kancertach, a vystupy na telebačańni stali dosyć redkimi.
Ale ŭ 1983 hodzie jana dakazała, što va ŭsich moža być druhi šaniec. Błek padpisała kantrakt z London Weekend Television, jakaja vałodała sietkaj kanałaŭ ITV, staŭšy viadučaj dvuch najnapularniejšych viačernich zabaŭlalnych šou 1980—1990-ch hadoŭ — «Blind Date» i «Surprise Surprise». Hetyja šou dazvolili joj stać samaj vysokaapłatnaj vykanaŭcaj na brytanskim telebačańni.
Šou «Surprise Surprise» pakazvała ažyćciaŭleńnie daŭnich maraŭ, ździajśnieńnie trukaŭ pierad publikaj, rozyhryšy i ŭźjadnańnie daŭno zhublenych blizkich ludziej. Siła Błek pačynała i zaviaršała šou adnajmiennaj pieśniaj «Surprise Surprise», napisanaj Kiejt Robins. Šou vytrymała 14 siezonaŭ, staŭšy adnym z samych praciahłych na brytanskim telebačańni, i było zavieršana tolki ŭ kancy 2001 hoda.
U 2014 hodzie kanał ITV źniaŭ pra svaju znakamituju viadučuju trochsieryjny sieryjał «Siła», jaki raspaviadaŭ pra jaje ŭzychodžańnie da słavy ŭ Livierpuli 1960-ch hadoŭ i jaje adnosiny z Bobi Uilisam.
Aryhinalny zapis šou «Surprise Surprise» 1986 hoda.
Mienavita adna z kancovak vypusku šou «Surprise Surprise», zapisanaha mierkavana ŭ 1986 hodzie, z vykanańniem Siłaj tradycyjnaha sinhła pasłužyła asnovaj dla šabłonu, jaki siońnia nabyŭ šyrokuju papularnaść u tyktoku.
Sama śpiavačka ŭžo nie pabačyła svajho «treciaha šanca» viarnuć słavu, bo pamierła jašče ŭ 2015 hodzie na 73 hodzie žyćcia. Pomnik maładoj Sile Błek byŭ u 2017 hodzie pastaŭleny kala miesca, dzie kaliści byŭ uvachod u Cavern Club, źniesieny ŭ 1970-ja, ź jakoha ŭsio i pačynałasia.
Dakładna nieviadoma, kali hety zapis pieradačy ź Siłaj Błek upieršyniu byŭ vykarystany ŭ jakaści miema. Pieršyja prykłady sustrakalisia jašče ŭ 2021 hodzie, kali videa z hetaj pieśniaj žartavali pra amikron, jaki źjaviŭsia na Kalady.
28 vieraśnia 2023 hoda šabłon z vyrazanaj Siłaj na zialonym fonie dadali ŭ tyktok, sparadziŭšy masu miemaŭ.
#Meme #hist_pop #istorijabiełarusi #istoričieskijmiem #vkł
I takoje słučajetsia #śjemki#siurprajzpohoda#siurprajz#streetphotography#kenon#pohodavbiełarusi#uličnajafotohrafija#triendy#fotohrafrb#popularnoje#portriet#biełaruś
Ciapier, kali miem staŭ dastatkova viadomy, niekatoryja karystalniki pačali stavić zamiest postaci Siły samich siabie, razvodziačy rukami jak znakamitaja brytanskaja televiadučaja.
I choć u aryhinalnym brytanskim šou siurpryzy byli zbolšaha pryjemnaha charaktaru, tyktokiery najčaściej vykarystoŭvajuć jaho, kab iranična apisać niepryjemnyja niespadziavanki ŭ ichnim žyćci.
Da zdravstvujet siurprajz #biełaruś #hranica #polša #pasport #biełtyktok #rieki #biełaruskiciktok #miem
«Naša Niva» — bastyjon biełaruščyny
PADTRYMAĆStała viadoma pra aryšt minskaha chirurha z 17-hadovym stažam. Joj pahražaje ahromnisty termin za palityku5
Kamientary