Finlandyja zakryvaje čatyry punkty propusku ŭ noč ź piatnicy na subotu. Rašeńnie pryniata paśla prahnazavanaha finskimi słužbami pavieličeńnia mihrantaŭ na miažy.
Finlandyja zakryje pamiežnyja pierachody «Vaalimaa», «Nujamaa», «Imatra» i «Niirała» (z rasijskaha boku — punkty «Tarfianaŭka», «Bruśničnaje», «Śviatahorsk» i «Viartsila»), paviedamlaje Reuters.
Na pres-kanfierencyi premjer-ministr Finlandyi Pietery Orpa zajaviŭ, što «ŭrad chacieŭ adreahavać rašuča».
Punkty Sała i Vartyus buduć adkryty dla pradastaŭleńnia mižnarodnaj abarony.
Ministr unutranych spraŭ Mary Rantanien raniej paviedamiła, što viedamstva prahnazuje pavieličeńnie kolkaści nielehalnych mihrantaŭ ź Iraka, Siryi, Jemiena i Turcyi, jakija pry pasiarednictvie rasijskich pamiežnikaŭ pranikajuć u pamiežnuju zonu i prosiać prytułku ŭ ES.
Daśledčyk Instytuta zamiežnaj palityki Anry Vanchanien u intervju Yle zajaviŭ, što Rasija naŭmysna nakiroŭvaje mihrantaŭ na miažu, kab dastavić niazručnaści Finlandyi.
Abmiežavańni, papiarednie, praciahnucca da 18 lutaha 2024 hoda.
Praź mihrancki kryzis na miežach Biełarusi z krainami Bałtyi Polšča zakryła try z šaści punktaŭ propusku na biełaruska-polskaj miažy, a Litva — dva. Krainy ES nazvali krytery, pa jakich mohuć całkam zakryć miažu ź Biełaruśsiu.
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia1
«Jon užo doma». Dačka Ryhora Kastusiova raskazała pra pieršuju hutarku z baćkam paśla vyzvaleńnia
Rasiejskaja armija rychtuje novy ŭdar pa ŭkrainskaj abaronie — navat bolš mahutny, čym šturm Aŭdziejeŭki13
Kamientary