Армянскі прэм'ер лічыць падазроным, што Баку ніколі публічна не выказваў сваю прыхільнасць тром прынцыпам урэгулявання.
Прэм'ер-міністр Нікол Пашынян лічыць, што заявы Баку пра «Заходні Азербайджан» з'яўляюцца асноўнай перашкодай мірнага працэсу. Пра гэта ён заявіў, выступаючы на пасяджэнні Парламенцкай асамблеі АБСЕ ў Ерэване, паведамляе «Спутнік Арменія».
Паводле слоў прэм'ера, ёсць добрыя і дрэнныя навіны, звязаныя з армяна-азербайджанскім мірным працэсам. Пашынян назваў станоўчым той факт, што асноўныя прынцыпы міру з Азербайджанам узгодненыя.
«Дрэнная навіна ў тым, што мы дагэтуль гаворым на розных мовах дыпламатыі і вельмі часта не разумеем адзін аднаго. Таму ёсць аб'ектыўныя прычыны: шматгадовы канфлікт, тысячы ахвяр, дзясяткі палонных, атмасфера нянавісці і падазрэнні, што за канструктыўнымі заявамі схаваныя нядобрыя намеры. Тое, пра што я кажу, у большай ці меншай ступені адносіцца і да Арменіі, і да Азербайджана», — адзначыў Пашынян.
Армянскі прэм'ер лічыць падазроным, што Баку ніколі публічна не пацвярджаў прыхільнасць тром прынцыпам урэгулявання. На яго думку, гэта паглыбляе атмасферу недаверу. Паводле яго слоў, вельмі сумнеўна і тое, што Арменію ў Баку на найвышэйшым узроўні называюць «Заходнім Азербайджанам» і гэтую канцэпцыю тыражуюць дзяржаўныя СМІ.
«Гэта нам здаецца падрыхтоўкай да новай вайны і новай ваеннай агрэсіі, і з'яўляецца асноўнай перашкодай мірнага працэсу. Мы не разумеем таксама ўтрымання дзясяткаў палонных у Азербайджане. Хоць прапаноўвалі вырашыць пытанне па формуле, дастойнай мірнага парадку дня — усіх на ўсіх», — сказаў на заканчэнне ён.
Пашынян таксама адзначыў, што Арменія прапануе Азербайджану абмеркаваць пытанне эксклаваў і анклаваў. Паводле яго слоў, Баку больш за 30 гадоў акупаваў армянскае сяло на мяжы Арцвашэн.
«Эксклаў Арцвашэн, які з'яўляецца часткай суверэннай тэрыторыі Арменіі, напрыклад, больш за 30 гадоў знаходзіцца пад азербайджанскай акупацыяй», — адзначыў ён.
Пашынян прадставіў тры прынцыпы мірнай дамовы з Азербайджанам. Першы прынцып абвяшчае, што Арменія і Азербайджан прызнаюць тэрытарыяльную цэласнасць адзін аднаго ў рамках 29,8 тыс. і 86,6 тыс. кв. км адпаведна. Другі прынцып — дэлімітацыя і дэмаркацыя межаў павінны ажыццяўляцца ў адпаведнасці з Алмацінскай дэкларацыяй ад 1991 года, на падставе савецкіх карт 1974—1990 гг. Арменія і Азербайджан не маюць тэрытарыяльных прэтэнзій адно да аднаго і абавязваюцца ў будучыні таксама не вылучаць ніякіх прэтэнзій. Трэці прынцып тычыцца разблакоўкі рэгіянальных камунікацый у рамках суверэнітэту, юрысдыкцыі і заканадаўства краін, па якіх яны праходзяць.
Пашынян сказаў Лукашэнку, каб на АДКБ яго не чакалі
«Пашынян ідзе па шляху Зяленскага». Масква расцаніла выступ армянскага кіраўніка ў Еўрапарламенце як «абсалютна правакацыйны»
Арменія можа закрыць расійскую вайсковую базу — Пашынян
Пашынян: Арменія гатовая быць бліжэйшай да ЕС, наколькі Еўрасаюз лічыць гэта магчымым
Аліеў падняў сцяг Азербайджана над былым цэнтрам Нагорнага Карабаха
Цяпер чытаюць
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі32
Каментары