U sieradu 22 listapada Hałoŭnaje ŭpraŭleńnie raźviedki Ukrainy apublikavała kadry z Krymskim mostam. U podpisie pad videa HUR nazvaŭ kanstrukcyju «lišniaj».
«Krymski vosieński viecier i absalutna lišniaja kanstrukcyja. Dalej budzie…» — šmatznačna havorycca ŭ paście HUR.
Z pačatku poŭnamaštabnaha ŭvarvańnia vojskaŭ RF va Ukrainu na Krymskim moście adbylisia dva vybuchi — 8 kastryčnika 2022 hoda i 17 lipienia 2023-ha. Vybuchi zładziła Słužba biaśpieki Ukrainy.
Z-za pieršaha vybuchu zahinuli čatyry čałavieki, a adna z aŭtamabilnych častak mosta častkova abrynułasia. Nieŭzabavie FSB dała spravazdaču ab zatrymańni vaśmi z 12 padazravanych pa hetaj spravie.
U vyniku druhoha vybuchu na moście zahinuła siamiejnaja para, jakaja była ŭ adnym z aŭtamabilaŭ, a ich 14-hadovaja dačka atrymała traŭmy. Taksama paškodžańni atrymała aŭtamabilnaja častka mosta.
Kamientary