Vienhierski premjer Orban: Ruskija nie prajhrajuć, u Maskvie nie budzie palityčnych pieramienaŭ
Premjer-ministr Vienhryi Viktar Orban vykazaŭsia nakont ciapierašniaj situacyi ŭ vajnie Rasii i Ukrainy i stratehii Jeŭropy.
U videa, jakoje vykłaŭ u sacsietku X pradstaŭnik urada Vienhryi Zołtan Kovač, Orban razvažaje, što Jeŭropa niapravilna paviała siabie.
Jon zhadvaje, što kali ŭ 2014-m zdaryłasia akupacyja Kryma, to Jeŭropa rašyła łakalizavać i izalavać kanflikt.
«My adpravili niamieckaha i francuzskaha lidaraŭ na pieramovy, i my dasiahnuli Minskaha pahadnieńnia, jakoje nie rašyła, ale ŭrehulavała situacyju», — skazaŭ jon.
Ciapier, adznačaje Orban, rašeńnie było inšym — hłabalizavać kanflikt. Heta drenna dla ŭsich, pierakonvaje jon, — dla Jeŭropy, Ukrainy, Rasii.
«Naša stratehija była ŭ tym, što ŭkraincy buduć zmahacca i my vyjhrajem na froncie. Rasiejcy prahrajuć na froncie. I heta paraza vykliča źmieny ŭ Maskvie, tam budzie novaje kiraŭnictva, i my zmožam damovicca».
Orban dadaŭ:
«Tam, dzie my ciapier znachodzimsia, vidavočna, što ŭkraincy nie pieramohuć na pieradavoj. Na poli boju niama rašeńnia. Ruskija nie prajhrajuć. U Maskvie nie budzie palityčnych pieramienaŭ. Takaja realnaść».
Čytajcie taksama:
«Vienhryju ŭ ES nichto nie trymaje». Barel rezka adkazaŭ Orbanu
Orban zajaviŭ, što choča kiravać Vienhryjaj jašče 11 hadoŭ
Upieršyniu za amal try hady pasoł krainy ES uručyła kopii davierčych hramat kiraŭniku MZS
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud2
Kamientary