U Iranie zabity doktar, jaki admaŭlaŭsia falšavać paśviedčańni ab śmierci źbitych u turmie demanstrantaŭ.
Supraciŭlacca kryŭdzie i tyranii treba nie tolki na palityčnych akcyjach, davodzić trahičnaje zdareńnie ŭ Tehieranie. Piša Siarhiej Bohdan.
26‑hadovy lekar Ramin Purandardžani nie chadziŭ na demanstracyi, jon prosta słužyŭ terminovuju ŭ iranskim vojsku. Jamu daviałosia mieć spravu z aryštantami z turmy Kiachryzak, što byli schoplenyja na demanstracyjach suprać falšavańnia apošnich prezydenckich vybaraŭ u Iranie.
Ramin składaŭ paśviedčańni ab ich śmierci i sumlenna fiksavaŭ, što znachodziŭ na ciełach — rany, pierałomy.
Jamu nie raz prapanoŭvali papravić ŭ papierach pryčyny śmierci na «mieninhit» dy «sardečnuju niedastatkovaść», papiaredžvali, pasadzili na niejki čas u turmu. Ale Ramin admoviŭsia niešta mianiać.
Na padstavie miedycynskich aktaŭ i śviedčańniaŭ Ramina pierad parłamienckaj kamisijaj śledčyja pryjšli da vysnovy,
što zatrymanyja demanstranty ŭ Kiachryzaku zahinuli mienavita ad katavańniaŭ, a nie ad chvarobaŭ ci antysanitaryi.
Adpaviednaja zajava pra mardavańnie ludziej u Kiachryzaku kolki dzion tamu ŭskałychnuła ŭsiu krainu.
10 listapada Ramin zahinuŭ.
Pryčyny śmierci aficyjnyja ŭstanovy ŭžo kolki razoŭ źmianili — spačatku abvieścili pra aŭtakatastrofu, paśla pra samazabojstva, zaraz — pra atručańnie. Cieła śmiełaha doktara siamji nie pakazali, a pachavańnie adbyłosia ŭ prysutnaści hebistaŭ.
-
Staś Karpaŭ: Ja zaŭvažyŭ try Maryi
-
«Źviažyciesia z nami»: Prakopjeŭ napisaŭ kałonku dla «NN», u jakoj abhruntoŭvaje znachodžańnie Cichanoŭskaha ŭ Štatach i prosić hrošaj
-
«Ja tolki nie razumieju, dla kaho pabudavali AES?» Daŭno nijakaja tema nie vyklikała takich emocyj, jak adklučeńnie śviatła na zahad Łukašenki
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal1
Kamientary