Deputaty razhladajuć zakonaprajekt pa pytańniach dziejnaści prezidenta. U im praduhledžanyja harantyi dla byłoha kiraŭnika krainy i jaho siamji
Deputaty na siesii Pałaty pradstaŭnikoŭ pryniali ŭ pieršym čytańni zakonaprajekt «Ab źmianieńni zakona Respubliki Biełaruś «Ab prezidencie Respubliki Biełaruś», pieradaje BIEŁTA.
Zakonaprajekt źmiaščaje kanstytucyjnyja patrabavańni da kandydataŭ na pasadu prezidenta, udakładniaje pravavy status prezidenta.
Prajekt praduhledžvaje «aptymizacyju paŭnamoctvaŭ kiraŭnika dziaržavy, u tym liku pa pytańniach achovy dziaržaŭnaha suvierenitetu, nacyjanalnaj biaśpieki i terytaryjalnaj cełasnaści Biełarusi, zabieśpiačeńnia funkcyjanavańnia najvyšejšych sudovych orhanaŭ i Centralnaj vybarčaj kamisii, zvarotaŭ u Kanstytucyjny sud», paviedamlaje BIEŁTA.
Taksama zakonaprajekt zamacoŭvaje pravavy status prezidenta, jaki spyniŭ vykanańnie paŭnamoctvaŭ u suviazi sa skančeńniem terminu jaho znachodžańnia na pasadzie abo daterminova ŭ vypadku jaho adstaŭki abo stojkaj niazdolnaści praz stan zdaroŭja ažyćciaŭlać abaviazki.
Zakonaprajekt ustanaŭlivaje harantyi byłomu prezidentu i jaho siamiejnikam.
Padrabiaznaści pakul nieviadomyja, dakumient nie apublikavany.
Zakonaprajekt raspracavany ŭ metach pryviadzieńnia norm zakona ŭ adpaviednaść sa źmianieńniami i dapaŭnieńniami ŭ Kanstytucyju, pryniatymi na respublikanskim refierendumie 27 lutaha 2022 hoda, a taksama z pradpisańniami zakona «Ab dziaržaŭnaj słužbie».
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła33
Kamientary