Дэпутаты разглядаюць законапраект па пытаннях дзейнасці прэзідэнта. У ім прадугледжаныя гарантыі для былога кіраўніка краіны і яго сям'і
Дэпутаты на сесіі Палаты прадстаўнікоў прынялі ў першым чытанні законапраект «Аб змяненні закона Рэспублікі Беларусь «Аб прэзідэнце Рэспублікі Беларусь», перадае БЕЛТА.
Законапраект змяшчае канстытуцыйныя патрабаванні да кандыдатаў на пасаду прэзідэнта, удакладняе прававы статус прэзідэнта.
Праект прадугледжвае «аптымізацыю паўнамоцтваў кіраўніка дзяржавы, у тым ліку па пытаннях аховы дзяржаўнага суверэнітэту, нацыянальнай бяспекі і тэрытарыяльнай цэласнасці Беларусі, забеспячэння функцыянавання найвышэйшых судовых органаў і Цэнтральнай выбарчай камісіі, зваротаў у Канстытуцыйны суд», паведамляе БЕЛТА.
Таксама законапраект замацоўвае прававы статус прэзідэнта, які спыніў выкананне паўнамоцтваў у сувязі са сканчэннем тэрміну яго знаходжання на пасадзе або датэрмінова ў выпадку яго адстаўкі або стойкай няздольнасці праз стан здароўя ажыццяўляць абавязкі.
Законапраект устанаўлівае гарантыі былому прэзідэнту і яго сямейнікам.
Падрабязнасці пакуль невядомыя, дакумент не апублікаваны.
Законапраект распрацаваны ў мэтах прывядзення норм закона ў адпаведнасць са змяненнямі і дапаўненнямі ў Канстытуцыю, прынятымі на рэспубліканскім рэферэндуме 27 лютага 2022 года, а таксама з прадпісаннямі закона «Аб дзяржаўнай службе».
Цяпер чытаюць
Спевака з «Марафону адзінства» асудзілі за палітыку — прыгадалі каментары 2020-га. Бараніць у суд яго хадзілі сёстры Груздзевы15
Каментары