«Heta mahnitnyja miny». Što raspavioŭ biełarus, zatrymany ŭ Rasii pa spravie terakta na BAMie
Na videa, raspaŭsiudžanym FSB, zatrymany, imia jakoha nie raskryvajecca, a tvar zablurany, pryznajecca ŭ datyčnaści da vybuchaŭ na BAMie.
Jon kaža, što jamu napisaŭ tavaryš u telehramie, pacikaviŭsia, ci jeździć toj u Rasiju i kali pajedzie nastupny raz, prapanavaŭ zavieźci pasyłku za ŭznaharodžańnie. Z hetym čałaviekam zatrymany byŭ znajomy niekalki hadoŭ.
«Potym paŭstali pytańni. Ja pačaŭ raspytvać, što, čaho, čamu, i jon patłumačyŭ, što heta», — havoryć mužčyna na videa FSB.
Pavodle jaho, surazmoŭca jamu paviedamiŭ, što heta mahnitnyja miny, kab padarvać jaki-niebudź sastaŭ i spynić ruch na BAMie.
«Ja pahadziŭsia, dajechaŭ da Sievierabajkalska, ustalavaŭ pryładu, što vyklikała paškodžańnie dvuch sastavaŭ», — kaža čałaviek na videa.
Siońnia FSB Rasii paviedamiła, što za padryŭ ciahnikoŭ na BAMie zatrymany hramadzianin Biełarusi, jaki pražyvaje ŭ Litvie. Mužčyna nibyta dziejničaŭ «pad kantrolem śpiecsłužbaŭ Ukrainy».
Unačy z 29 na 30 listapada na pierahonie Itykit-Akusikan Uschodnie-Sibirskaj čyhunki padčas ruchu pa Paŭnočnamujskim tuneli (jaho daŭžynia 15 kiłamietraŭ) zahareŭsia vahon hruzavoha ciahnika, jaki pieravoziŭ paliva (u tym liku avijacyjnaje) i kalarovyja mietały.
Paźniej u Paŭnočnamujskim tuneli na Bajkała-Amurskaj mahistrali zahareŭsia jašče adzin sastaŭ z hruzam.
Była zaviedziena kryminalnaja sprava za terakt.
Aryštavali 58-hadovuju haspadyniu ahrasiadziby z Baranavičaŭ, jakaja była pretendentam na prezidenckich vybarach — 20204
Kamientary
- Tak, chtości ž pavinien karmić žyviołu.
- Voś tabie mahnitnaja mina. Nastupnym razam zaviazieš im padarunka.
- Słuchaj, a daj dźvie..