Ministr sielskaj haspadarki i charčavańnia Siarhiej Bartaš prakamientavaŭ situacyju z deficytam jajek, jakaja ciapier skłałasia ŭ Rasii, i vykazaŭ hatoŭnaść pastaŭlać tudy tyja, jakija biełarusam nie patrebnyja.
«U pieršuju čarhu naša zadača — zabiaśpiečyć unutrany rynak. U Rasiju my budziem pastaŭlać liški pradukcyi. Pakul što nijakich kankretnych płanaŭ pa abjomach pastavak niama, pakolki spažyvańnie jajek u Biełarusi taksama raście.
Takim čynam, śpiarša kancentrujemsia na zabieśpiačeńni našaha nasielnictva jajkami i miasam kurycy, a ŭžo na druhim miescy — dapamoha Rasii», — zajaviŭ Siarhiej Bartaš.
Pavodle jaho słoŭ, u Biełarusi za miesiac vyrablajecca jajek na 50% bolš, čym spažyvaje nasielnictva.
«Unutranamu rynku nieabchodna 140 młn jajek, a na rasijski rynak pastaŭlajem 60 młn štuk.
Pa kurycy taksama nijakich prablem niama, palicy kram całkam ukamplektavanyja. Za minuły miesiac my pastavili ŭ Rasiju kala 12 tys. ton miasa kurycy. Pry hetym na ŭnutranym rynku ni ŭ čym niedachopu nie nazirajecca», — padkreśliŭ ministr sielskaj haspadarki.
Napiaredadni prezident Rasii Uładzimir Pucin zajaviŭ pra najaŭnaść u jahonaj krainie prablem ź jajkami i niekatorymi parodami žyvioły.
Jak 2020 hod pałamaŭ žyćcio Aleha Hajdukieviča. Ni siamji, ni palityčnych pierśpiektyŭ, i tolki toj u ruce12
Kamientary
U hetych umovach niedachopu sapraŭdy nia budzie, voś tolki praz skaračeńnie ŭžyvańnia. Bo biednyja biełarusy kančatkova pierajduć ź jajek na piarłoŭku.