Міністр сельскай гаспадаркі і харчавання Сяргей Барташ пракаментаваў сітуацыю з дэфіцытам яек, якая цяпер склалася ў Расіі, і выказаў гатоўнасць пастаўляць туды тыя, якія беларусам не патрэбныя.
«У першую чаргу наша задача — забяспечыць унутраны рынак. У Расію мы будзем пастаўляць лішкі прадукцыі. Пакуль што ніякіх канкрэтных планаў па аб'ёмах паставак няма, паколькі спажыванне яек у Беларусі таксама расце.
Такім чынам, спярша канцэнтруемся на забеспячэнні нашага насельніцтва яйкамі і мясам курыцы, а ўжо на другім месцы — дапамога Расіі», — заявіў Сяргей Барташ.
Паводле яго слоў, у Беларусі за месяц вырабляецца яек на 50% больш, чым спажывае насельніцтва.
«Унутранаму рынку неабходна 140 млн яек, а на расійскі рынак пастаўляем 60 млн штук.
Па курыцы таксама ніякіх праблем няма, паліцы крам цалкам укамплектаваныя. За мінулы месяц мы паставілі ў Расію каля 12 тыс. тон мяса курыцы. Пры гэтым на ўнутраным рынку ні ў чым недахопу не назіраецца», — падкрэсліў міністр сельскай гаспадаркі.
Напярэдадні прэзідэнт Расіі Уладзімір Пуцін заявіў пра наяўнасць у ягонай краіне праблем з яйкамі і некаторымі пародамі жывёлы.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу15
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ2828
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ28
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары
У гэтых умовах недахопу сапраўды ня будзе, вось толькі праз скарачэнне ўжывання. Бо бедныя беларусы канчаткова перайдуць з яек на пярлоўку.