U Biełarusi zapracavaŭ novy servis anłajn-braniravańnia hatelaŭ
«Kufar Nieruchomaść» zapuściŭ piłotny prajekt pa braniravańni hatelaŭ, piša Office Life sa spasyłkaj na pradstaŭnikoŭ kampanii. Ciapier placoŭka aktyŭna infarmuje karystalnikaŭ ab mahčymaści dałučycca.
Pakul na sajcie zarehistravana piać hatelaŭ — pa adnym u Minsku, Minskaj i Bresckaj abłaściach i adrazu try — u Viciebskaj.
Raniej «Kufar» pačaŭ prapanoŭvać padarožnikam pasutačnuju arendu kvater. Takim čynam, biełaruskaja kampanija pasprabavała zaniać nišu, jakaja vyzvaliłasia paśla sychodu ŭ 2022 hodzie ź miascovaha rynku servisu AirBnB.
Sa žniŭnia 2022 hoda servisam skarystalisia bolš za 100 tys. čałaviek, jakija vydatkavali na pražyvańnie zvyš 20 młn rubloŭ. Jak kažuć u kampanii, 90% arandataraŭ — biełarusy. Siarod zamiežnikaŭ bolš za ŭsio hramadzian Rasii.
Pradstaŭniki servisu adznačajuć, što zabaraniajuć uładalnikam nieruchomaści paznačać na sajcie niesapraŭdnyja ceny, zatoje dajuć pryvatnikam funkcyju pieradapłaty braniravańnia i mahčymaść źmianiać nazvanyja ceny ŭ zaležnaści ad śviataŭ abo zahružanaści.
Akramia taho, u 2023 hodzie «Kufar» uvioŭ dla arendadaŭcaŭ paroh pa kolkaści mahčymych admovaŭ u braniravańni biez pavažnaj pryčyny.
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš8
Prajekciroŭščyki pakazali, jak budzie vyhladać płošča Banhałor u Minsku. Im skazali padumać lepš
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary