«Idzicie na front sami i pamrycie sami». «Šlach dadomu» apublikavaŭ zvarot mabilizavanaha da Pucina
U kanale «Šlach dadomu» žonki rasijskich vajskoŭcaŭ apublikavali zvarot mužčyny, jaki pradstaŭlajecca Alaksandram i śćviardžaje, što jon mabilizavany, słužyć šturmavikom sa studzienia, ciapier u adpačynku.
Na videa jon raspaviadaje pra drenny stan zdaroŭja mabilizavanych, nievynosnyja ŭmovach na froncie, a taksama pra toje, što jon i inšyja vajskoŭcy chočuć zaklučeńnia miru i spynieńnia vajny.
«Uładzimir Uładzimiravič, da čaho vy ludziej daviali. U nas, rasijan, nie zastajecca nadziei pad vašym kiraŭnictvam. Kančajcie SVA, siadajcie za stoł pieramovaŭ. Jakija k čortavaj maci «denacyfikacyja» i «demilitaryzacyja»? Vy sami razumiejecie, pra što kažacie? Kožny raz, kali vy pramaŭlajecie hetyja słovy, ludzi hinuć. Dajcie nam žyć spakojna. Abo idzicie na front sami i pamrycie sami», — dadajuć aŭtary kanała da videa.
14 śniežnia prajšła pieršaja z pačatku poŭnamaštabnaha ŭvarvańnia pramaja linija Pucina. Pavodle daśledavańniaŭ, samym čakanym ad rasijan było pytańnie, kali skončycca vajna. Adnak padčas efiru takoha Pucinu nie zadavali.
«Šlach dadomu» — ruch svajakoŭ mabilizavanych rasijan. Jany damahajucca viartańnia svaich blizkich z frontu, ale vystupajuć jany nie suprać tak zvanaj «SVA», a tolki suprać biesterminovaj mabilizacyi. Ciapier jany adčuvajuć značny cisk rasijskich uładaŭ.
U kancy listapada žonki i svajaki mabilizavanych u telehram-kanale «Šlach dadomu» apublikavali manifiest i pietycyju suprać biesterminovaj mabilizacyi.
«Ja hublaju maładość, našyja mužyki hublajuć žyćci». Žonki rasijskich mabilizavanych nadziavajuć biełyja chustki i praciahvajuć pratesty
«Nas na*bali i vas na*buć». Žonki mabilizavanych RF apublikavali žorstkuju pietycyju. Ale jość niuans
Telehram-kanał žonak mabilizavanych atrymaŭ płašku Fake paśla ataki prapahandysta Sałaŭjova i praŭładnaha sumnaviadomaha jurysta
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ67
Kamientary
no… - mnienije raba ozvučieno, no učityvaťsia pri priniatii riešienij nie budiet. pakietov v zapasie - na diesiatiletija vpieried.