Jak stała viadoma «Našaj Nivie», były vysokapastaŭleny prakuror Eldar Safaraŭ i jahonaja žonka, advakatka Julija Stankievič, vyjšli na volu paśla 10 sutak za kratami.
«Viasna» paviedamlała, što na minułym tydni była zatrymanaja siamiejnaja para jurystaŭ Eldar Safaraŭ i Julija Stankievič. Inkryminavali im, nibyta, narodny artykuł 342 Kryminalnaha kodeksa. Pravaabaroncy pryznali ich palitźniavolenymi.
Čytajcie: Zatrymali byłoha prakurora Eldara Safarava i jahonuju žonku
Eldar Safaraŭ — heta značnaja postać u biełaruskaj justycyi, pałkoŭnik. U 2020-m jon demanstratyŭna syšoŭ z pasady načalnika adździeła padtrymki dziaržabvinavačvańnia Hienprakuratury, paćvierdziŭšy «Našaj Nivie», što sychod byŭ pa palityčnych matyvach.
Pra inšyja sychody z prakuratury načalnikaŭ takoha kalibru nie było viadoma raniej i nieviadoma dahetul.
Da antyłukašenkaŭskich siłaŭ abo alternatyŭnaj arhanizacyi siłavikoŭ «Bajpoł» Safaraŭ nie dałučyŭsia. Žyŭ u Biełarusi da zatrymańnia.
Jak stała viadoma «Našaj Nivie», Eldar Safaraŭ i jahonaja žonka Julija Stankievič na voli paśla 10 dzion utrymańnia ŭ śledčym izalatary.
Ich pravavy status zastajecca nieviadomym.
Kamientary
On ušieł iz orhanov v 2020-m iz-za «sobytij leta i osieni».
A Aŭtuchoviča choć vyznali ci nie?