Prapahandystaŭ masava adpraŭlajuć u deputaty. Vyłučajecca navat Jaŭhien Pustavy
Hihin, Špakoŭski i Kurčak bałatujucca ŭ Pałatu pradstaŭnikoŭ, Ejsmant, Kryvašejeŭ i Pustavy — u Minharsaviet.
Novaja źjava biełaruskaha palityčnaha pola — prapahandysty roznaha hatunku źbirajucca ŭ deputaty. Adnyja sprabujuć trapić u Pałatu pradstaŭnikoŭ na pastajanny zarobak, inšych adpraŭlajuć u Minharsaviet.
Siarod patencyjnych kandydataŭ u Pałatu pradstaŭnikoŭ užo dyrektar Nacyjanalnaj biblijateki Vadzim Hihin, a taksama Alaksandr Špakoŭski, jaki apošnim časam pajšoŭ na dypłamatyčnuju słužbu i trapiŭ u pasolstva ŭ Rasii. Abodva prapahandysty vyłučajucca ad «Biełaj Rusi», tamu ŭ ich nie ŭźniknuć prablemy z rehistracyjaj.
U niejkaj stupieni ŭ ich šerah možna ŭklučyć i hołas Hienieralnaj prakuratury, načalnicu ŭpraŭleńnia pa ŭzajemadziejańni sa ŚMI Anžaliku Kurčak.
Vyhladaje, što nivodnaha z raniejšych pradstaŭnikoŭ prałukašenkaŭskaj miedyjasupolnaści pieraabirać nie źbirajucca, u śpisach kandydataŭ niama ni eks-kiraŭnika BT i «Biełaj Rusi» Hienadzia Davydźki, ni eks-ministarki infarmacyi Lilii Ananič, ni viadučaha ANT Tenhiza Dumbadze.
U Minskim haradskim saviecie deputataŭ kolkaść telepiersanažaŭ budzie jašče bolšaja. Samy statusny ź ich — kiraŭnik Biełteleradyjokampanii Ivan Ejsmant.
Aproč jaho, na deputackaje kresła pretenduje i Andrej Kryvašejeŭ. Jon pracuje hienieralnym dyrektaram ahienctva «Minsk-Naviny», a zaadno ličycca jašče i staršynioj praŭładnaha Biełaruskaha sajuza žurnalistaŭ. Minharsaviet stanie jaho treciaj nahruzkaj. Kryvašejeŭ bałatujecca pa Malinaŭcy.
Narešcie, vyrašyŭ dadatkova realizavać siabie i televiadučy STB Jaŭhien Pustavy. Jon žychar Ždanovičaŭ, ale bałatujecca pa Achockaj akruzie.
Admietna, što ŭ ciapierašnim sklikańni Minharsavieta zasiadaje tolki adzin pradstaŭnik dziaržaŭnych ŚMI, heta viadučy ANT Jaŭhien Łaškoŭski. Ale jon zajmajecca tolki pobytavymi prablemami Uručča i nie robić nijakich palityčnych zajavaŭ.
«Padkreślena, pabačyŭšy mianie z Azaronkam, pačynajuć razmaŭlać na biełaruskaj movie».
Prapahandyst Pustavy pabačyŭ pakuty ŭ vačach biełarusaŭ
Ejsmant: Jak rastłumačyć ciapierašniaj moładzi, što ŭsiaho 30 hadoŭ tamu nie było ničoha?
Čarhovy fejk ad Kryvašejeva: pra viertaloty i sudździaŭ
Hihin i Kryvašejeŭ pra padziei ŭ Bučy: Heta było patrebna krainam Zachadu
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary