Źjavilisia śviežyja fotazdymki Čyrvonaha kaścioła. Vidovišča biazradasnaje
Fatahrafii amal ni čym nie adroźnivajucca ad tych, što byli apublikavanyja ŭ kancy 2022 hoda.
«Paśla ŭzharańnia hetaja śviatynia ŭžo druhi hod zakryta dla viernikaŭ, dla praviadzieńnia liturhičnych bohasłužeńniaŭ, apiačatana i čakaje restaŭracyi. Užo niekalki razoŭ u ŚMI i telebačańni prajšła infarmacyja pra zapłanavany ramont.
Uvieś prychod kaścioła Śviatych Symona i Aleny, jaki naličvaje kala 10 000 tys. prychadžan, i minčan, jakija naviedvali duchoŭnyja kancerty arhannaj muzyki, vystavy, hatovy dałučycca i dapamahčy ŭ pracach pa adnaŭleńni paškodžańniaŭ, kab śviatynia znoŭ słaviła Hospada i suciašała ludziej», — havorycca ŭ zajavie parafijalnaha kamiteta.
Kamitet publikuje hetyja foty, kab pierakanać haradskija ŭłady, što moža ŭ karotki termin adnavić usie paškodžańni, i viarnuć śviatyni hodny vyhlad i dalej sumlenna kłapacicca pra jaje.
«Prosim dziaržaŭnyja ŭłady, ad jakich zaležyć los Chrama, vizitnaj kartki našaj stalicy, adkryć jaho viernikam dla malitvy i prasłaŭleńnia Usiavyšniaha. Tysiačy turystaŭ, naviedvajučy našu stalicu, zachodzili ŭ naš chram i z asałodaj słuchali kaladnyja śpievy pad huki arhannaj muzyki. (…) Prosim dziaržaŭnyja ŭłady: zrabicie padarunak nam, viernikam, usim haradžanam i haściam stalicy — radaść kaladna-navahodniaha cudu — viarnicie nam Božy chram!», — zaklikaje parafijalny kamitet.
Čyrvony kaścioł byŭ zakryty dla naviedvańnia ŭ kancy vieraśnia 2022 hoda paśla zahadkavaha pažaru. Słužby prachodziać u Kafiedralnym kaściole na płoščy Svabody.
Ciapier čytajuć
18‑hadovaha chłopca abvinavacili ŭ admaŭleńni hienacydu biełaruskaha naroda20
18‑hadovaha chłopca abvinavacili ŭ admaŭleńni hienacydu biełaruskaha naroda
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy77
Kamientary