«Kožnaje pradpryjemstva pavinna aktyŭna zajmacca pryciahnieńniem zamiežnych inviestycyj»
Pra heta zajaviŭ na pasiadžeńni Saŭmina premjer‑ministr Siarhiej Sidorski.
Kožnaje pradpryjemstva ŭ krainie pavinna być uciahnutaje ŭ inviestycyjny praces i aktyŭna zajmacca pryciahnieńniem zamiežnych inviestycyj,
zajaviŭ na pasiadžeńni prezidyuma Saŭmina 28 śniežnia premjer‑ministr Siarhiej Sidorski.
«Nieabchodna źmianić padychody da arhanizacyi inviestycyjnaj dziejnaści i pierajści ad kropkavaha pryciahnieńnia zamiežnych inviestycyj dla realizacyi asobnych prajektaŭ da šyrokamaštabnaha inviestycyjnaha supracoŭnictva z patencyjalnymi inviestarami, hatovymi pracavać z našaj krainaj», — padkreśliŭ premjer‑ministr.
Jon nahadaŭ, što ŭ nastupnym hodzie ŭ ekanomiku Biełarusi nieabchodna nakiravać 61,2 trłn. rubloŭ inviestycyj dla vykanańnia zaćvierdžanaha pakazčyku pa roście inviestycyj u asnoŭny kapitał na 23‑25% da ŭzroŭniu hetaha hoda. Nieabchodna zabiaśpiečyć pryciahnieńnie i zasvajeńnie 5,6 młrd. dołaraŭ zamiežnych inviestycyj, ź jakich 2,7 młrd. dołaraŭ pavinny skłaści pramyja zamiežnyja inviestycyi.
«Za hetymi ličbami stajać napružanyja zadańni pa stvareńni novych i karennaj madernizacyi dziejučych pradpryjemstvaŭ, pašyreńnie vykarystańnia inavacyjnych technałohij dla pavyšeńnia kankurentazdolnaści pradukcyi najpierš dla zamiežnych rynkaŭ», — padkreśliŭ Sidorski.
Jon adznačyŭ, što sioleta pryniaty šerah narmatyŭnych dakumientaŭ pa ŭdaskanaleńni inviestycyjnaj dziejnaści, u tym liku dekret prezidenta №10, jakija stvaryli spryjalnyja ŭmovy dla pryciahnieńnia inviestycyj.
«Nam treba razumna skarystacca stvoranymi instrumientami dla pryciahnieńnia inviestycyj», — padkreśliŭ kiraŭnik urada.
Sidorski zajaviŭ, što zamiežnyja inviestycyi mohuć dapamahčy vyrašyć prablemu zbałansavanaści źniešniehandlovaha salda krainy. «My stavim zadaču z 2010 hoda vybudoŭvać ekanamičnuju dziejnaść tak, kab u karotki pramiežak času, za 3‑4 hady, vyjści na stanoŭčaje salda źniešniaha handlu», — skazaŭ premjer‑ministr.
Ciapier čytajuć
Koŭł Łukašenku: Tabie treba być bolš aściarožnym, za stałom kiepskich pacanoŭ zastaŭsia adzin ty10
Kamientary