Mabilnyja apieratary paviedamili pra źmieny dla klijentaŭ u 2024 hodzie
Biełaruskija mabilnyja apieratary abviaścili pra novaŭviadzieńni, jakija jany ŭvodziać u novym hodzie dla svaich klijentaŭ. Paviedamleńni pra heta źjavilisia na sajtach kampanij. Niešta ŭžo ŭstupiła ŭ siłu, a niejkich navacyj pryjdziecca pačakać, piša Telegraf.news.
A1
Apieratar A1 paviedamiŭ, što spyniaje nadavać antyvirusnuju abaronu Dr. Web, a taksama pasłuhu «Abmiežavańnie dostupu (filtravańnie niepažadanaj infarmacyi)». Heta zakranie jak fizičnych asob, tak i kampanii i IP. Navinka zapracuje z 5 lutaha, udakładniŭ apieratar.
«U toj ža čas klijenty A1 pa-raniejšamu mohuć zabiaśpiečyć nieabchodnuju abaronu svaich pryład z dapamohaj premium-padpisak «Łabaratoryi Kaśpierskaha». U ramkach akcyi pasłuhi Kaspersky Safe Kids i Kaspersky Plus nadajucca biaspłatna na praciahu 30 dzion z momantu pieršaha padklučeńnia», — paviedamiŭ A1.
Taksama kampanija abviaściła, što A1 z 9 studzienia admianiaje dla klijentaŭ taryfnaha płana «Mieha Prajm» mahčymaść padklučacca da pasłuhi «Siamiejnaja padpiska».
MTS
Kampanija MTS abviaściła, što karystalniki servisu «MTS Hrošy» ciapier mohuć zamović kartu «Mir» ad «JuMoney». Jana dazvalaje rabić płaciažy ŭ Biełarusi i Rasii i atrymlivać kešbek za pakupki. Dadatkova da hetaj kartki možna biaspłatna vypuścić virtualny «płastyk» «Mir», udakładniŭ apieratar. Afarmleńnie płastykavaj karty «Mir» ad «JuMoney» abyjdziecca ŭ 30 rubloŭ.
Life:)
Kampanija life:) paviedamiła, što z 1 studzienia pry papaŭnieńni rachunku z dapamohaj servisu «Apłaci» pierastaŭ naličvacca kešbek — 1,5% ad sumy płaciažu.
Ciapier čytajuć
Pra Miełkaziorava ŭ jaho apošni dzień: «Było adčuvańnie, što jon stomleny, brakuje enierhii, rysy tvaru byli zapałyja»1
Kamientary