Pahladzicie, jak vyhladaje turma Brejvika. Narviežski teraryst skardzicca na ŭmovy
Trenažorka, papuhai i Xbox.
![](http://nashaniva.com/img/w732d4webp1/photos/z_2024_01/breivik-1-1zd80.png.webp)
Narviežski teraryst Anders Brejvik, jaki zabiŭ 77 čałaviek u 2011 hodzie, u paniadziełak 8 studzienia ŭ druhi raz pasprabuje padać u sud na narviežskuju dziaržavu. Jon ličyć, što taja parušaje ŭ adnosinach da jaho pravy čałavieka, paviedamlaje The Associated Press.
Brejvik śćviardžaje, što jaho adzinočnaje źniavoleńnie pryraŭnoŭvajecca da biesčałaviečnaha abychodžańnia ŭ adpaviednaści ź Jeŭrapiejskaj kanviencyjaj pa pravach čałavieka.
![](http://nashaniva.com/img/w732d4webp1/photos/z_2024_01/breivik-4-6lotd.png.webp)
Jak piša AP, Brejvik žyvie ŭ dvuchpaviarchovym kompleksie z kuchniaj, stałovaj i televizijnym pakojem z prystaŭkaj Xbox, niekalkimi kresłami i čorna-biełymi fatahrafijami Ejfielevaj viežy na ścianie. U jaho taksama jość trenažornaja zała z hantelami, biehavoj darožkaj i viaślarnym trenažoram, a pa kompleksie lotajuć try papuhai.
![](http://nashaniva.com/img/w732d4webp1/photos/z_2024_01/breivik-2-1s2wp.png.webp)
![](http://nashaniva.com/img/w732d4webp1/photos/z_2024_01/breivik-9-5hb33.png.webp)
Na knižnaj palicy možna pabačyć ruskuju litaraturu, naprykład, piśmieńnika Varłama Šałamava, jaki prajšoŭ HUŁAH.
![](http://nashaniva.com/img/w732d4webp1/photos/z_2024_01/breivik-8-ns160.png.webp)
![](http://nashaniva.com/img/w732d4webp1/photos/z_2024_01/breivik-7-ib6gc.png.webp)
Advakat Brejvika nastojvaje, što pakolki terarysta pazbavili mahčymaści adpraŭlać listy, heta jašče adno parušeńnie jaho pravoŭ.
![](http://nashaniva.com/img/w732d4webp1/photos/z_2024_01/breivik-5-hjj78.png.webp)
Brejvik raniej užo skardziŭsia na ŭmovy ŭtrymańnia, ale jaho skarhi ŭ vyniku nie zadavolvali. A ŭ 2022-m jon damahaŭsia ŭmoŭna-daterminovaha vyzvaleńnia (biespaśpiachova — paličyli, što ŭ jaho niama prykmiet reabilitacyi).
![](http://nashaniva.com/img/w732d4webp1/photos/z_2024_01/breivik-3-qy9fg.png.webp)
22 lipienia 2011 hoda Brejvik zabiŭ vosiem čałaviek u vyniku vybuchu bomby ŭ Osła (jon uzarvaŭ aŭto kala ŭradavych budynkaŭ). A paśla adpraviŭsia ŭ moładzievy łahier na vostravie Utoja, dzie, pieraapranuŭšysia palicyjantam, jon vysačyŭ i zastreliŭ 69 čałaviek, u asnoŭnym padletkaŭ. U nastupnym hodzie Brejviku vynieśli maksimalny prysud u 21 hod z ahavorkaj — jana redka vykarystoŭvajecca ŭ narviežskaj sudovaj sistemie — pra toje, što jon moža ŭtrymlivacca pad vartaj niavyznačany termin, kali jon pa-raniejšamu budzie ličycca niebiaśpiečnym dla hramadstva.
![](http://nashaniva.com/img/w732d4webp1/photos/z_2024_01/breivik-6-i7ekt.png.webp)
Brejvik nie vykazaŭ nijakaha raskajańnia ŭ svaich napadkach, jakija jon adlustravaŭ jak kryžovy pachod suprać multykulturalizmu ŭ Narviehii.
Kamientary