Паглядзіце, як выглядае турма Брэйвіка. Нарвежскі тэрарыст скардзіцца на ўмовы
Трэнажорка, папугаі і Xbox.
Нарвежскі тэрарыст Андэрс Брэйвік, які забіў 77 чалавек у 2011 годзе, у панядзелак 8 студзеня ў другі раз паспрабуе падаць у суд на нарвежскую дзяржаву. Ён лічыць, што тая парушае ў адносінах да яго правы чалавека, паведамляе The Associated Press.
Брэйвік сцвярджае, што яго адзіночнае зняволенне прыраўноўваецца да бесчалавечнага абыходжання ў адпаведнасці з Еўрапейскай канвенцыяй па правах чалавека.
Як піша AP, Брэйвік жыве ў двухпавярховым комплексе з кухняй, сталовай і тэлевізійным пакоем з прыстаўкай Xbox, некалькімі крэсламі і чорна-белымі фатаграфіямі Эйфелевай вежы на сцяне. У яго таксама ёсць трэнажорная зала з гантэлямі, бегавой дарожкай і вяслярным трэнажорам, а па комплексе лётаюць тры папугаі.
На кніжнай паліцы можна пабачыць рускую літаратуру, напрыклад, пісьменніка Варлама Шаламава, які прайшоў ГУЛАГ.
Адвакат Брэйвіка настойвае, што паколькі тэрарыста пазбавілі магчымасці адпраўляць лісты, гэта яшчэ адно парушэнне яго правоў.
Брэйвік раней ужо скардзіўся на ўмовы ўтрымання, але яго скаргі ў выніку не задавольвалі. А ў 2022-м ён дамагаўся ўмоўна-датэрміновага вызвалення (беспаспяхова — палічылі, што ў яго няма прыкмет рэабілітацыі).
22 ліпеня 2011 года Брэйвік забіў восем чалавек у выніку выбуху бомбы ў Осла (ён узарваў аўто каля ўрадавых будынкаў). А пасля адправіўся ў моладзевы лагер на востраве Утоя, дзе, пераапрануўшыся паліцыянтам, ён высачыў і застрэліў 69 чалавек, у асноўным падлеткаў. У наступным годзе Брэйвіку вынеслі максімальны прысуд у 21 год з агаворкай — яна рэдка выкарыстоўваецца ў нарвежскай судовай сістэме — пра тое, што ён можа ўтрымлівацца пад вартай нявызначаны тэрмін, калі ён па-ранейшаму будзе лічыцца небяспечным для грамадства.
Брэйвік не выказаў ніякага раскаяння ў сваіх нападках, якія ён адлюстраваў як крыжовы паход супраць мультыкультуралізму ў Нарвегіі.
Цяпер чытаюць
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта2
У Слуцку жанчыну аштрафавалі за пакінутыя каля сметніцы добрае адзенне і лінолеум. Людзі не вытрымалі, даведаўшыся пра гэта
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі2222
У Чэхіі палякі збілі паляка, прыняўшы яго за ўкраінца з-за шапкі ў колерах Верхняй Сілезіі. Хлопец ехаў у велапрабег дзеля хворай на рак цяжарнай партнёркі22
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю88
Каментары