U Nacbanku raskazali, pa jakich prykmietach buduć błakavać padazronyja płaciažy
Naprykład, kali ŭ peŭny pieryjad času płaciož ździajśniaŭsia z adnaho IP-adrasa, a praź dziesiać chvilin ź inšaha. Abo płaciažy ździajśniajucca ŭ načny čas, choć raniej u taki čas ich nie było.
Načalnik upraŭleńnia abarony infarmacyi Nacbanka Ina Lahčyłava ŭ pres-centry BiełTA raskazała, pa jakich prykmietach biełaruskija banki buduć błakavać padazronyja płaciažy.
Pa-pieršaje, heta niejkaja nietypovaść pavodzin klijenta, što pieravodzić hrošy. Tut majecca masa pytańniaŭ pra toje, što možna ličyć nietypovym i niecharakternym adnosna sumy, miesca pieravodu», — raspaviała Ina Lahčyłava.
Pavodle jaje słoŭ, bankam dadziena daručeńnie raspracavać śpiecyjalnyja pracesy, jakija nakiravany na vyjaŭleńnie takich padazronych pavodzin (antyfrod-sistemu).
«Pieršapačatkova bankam buduć prapanavanyja kłasy manitorynhu, jakija padzialajucca na indykatary pravaparušeńniaŭ.
Naprykład, kali ŭ peŭny pieryjad času płaciož ździajśniaŭsia z adnaho IP-adrasa, a praź dziesiać chvilin ź inšaha. Abo płaciažy ździajśniajucca ŭ načny čas, choć raniej u taki čas ich nie było», — patłumačyła jana.
Pieralik kłasaŭ i indykataraŭ vialiki. Rašeńnie ab prypynieńni apieracyi budzie prymacca nie pa adnym ź ich, a ŭ sukupnaści.
«Bank prypyniaje apieracyju na dvoje sutak i na praciahu hetaha času moža źviazacca z klijentam dla ŭdakładnieńnia detalaŭ.
Heta zroblena, kab nie paciarpieli nievinavatyja ludzi. Razam z tym nieabchodna stvaryć taki miechanizm, jaki dazvoliŭ by bankam prypynić apieracyju, h.zn. stvaryć pravavoje pole», — udakładniła śpiecyjalist.
Ina Lahčyłava adznačyła, što niepakoicca nie varta tym, chto sapraŭdy ździajśniaje niejkija płaciažy ŭpieršyniu. Naprykład, kali čałaviek nikoli nie płaciŭ za pakupki na markietplejsie i taki płaciož prajšoŭ upieršyniu, to takaja apieracyja nie budzie prypynienaja.
Heta ŭsiaho tolki adzin indykatar, jaki kaža ab nietypovych pavodzinach, a ŭsie astatnija dziejańni supadajuć z tym, što čałaviek robić u peŭny čas.
Adnaznačna buduć prypyniacca apieracyi, pa jakich jość dakładnaja infarmacyja ab niezakonnaści śpisanych srodkaŭ. U takim vypadku bank budzie błakavać hrašovuju sumu i spravaj buduć zajmacca adpaviednyja orhany.
Pavodle słoŭ načalnika adździeła reahavańnia na kampjutarnyja pahrozy ŭpraŭleńnia abarony infarmacyi Nacyjanalnaha banka Dźmitryja Kuryły, nieabchodnaść prypynieńnia płaciažoŭ budzie vyznačacca i inšymi faktarami.
«Z aŭtamatyzavanaj sistemy apracoŭki incydentaŭ Nacbanka čatyry razy na sutki bankam budzie davacca infarmacyja ab atrymalnikach, jakija siabie skampramietavali.
Heta nieabchodna dla taho, kab banki zahružali źviestki pra ich u svaje antyfrod-sistemy i stavili takija płaciažy na kantrol, — raspavioŭ jon. — My pajšli krychu dalej i pasprabavali raśpisać ličbavy profil skampramietavanych pryład. Budziem pieradavać hetuju infarmacyju bankam».
Dźmitryj Kuryła adznačyŭ, što ŭ raźvićcio ŭkaza Łukašenki «Ab mierach pa supraćdziejańni niesankcyjanavanym płaciežnym apieracyjach» praŭleńniem Nacbanka byli pryniaty dźvie pastanovy — № 453 «Ab niesankcyjanavanych pieravodach hrašovych srodkaŭ (elektronnych hrošaj)» i № 454 «Ab davańni infarmacyi pra incydenty i parušeńni biaśpieki ŭ śfiery abarony infarmacyi».
Apošni dakumient kankretyzuje dziejańni ŭsich, chto zajmajecca vyjaŭleńniem niesankcyjanavanych płaciežnych apieracyj. Tam prapisana, jakuju infarmacyju i ŭ jakija terminy padajuć banki. U pryvatnaści, jany pavinny niezaležna ad času sutak na praciahu hadziny z momantu vyjaŭleńnia incydentu padać usiu infarmacyju ŭ aŭtamatyzavanuju sistemu apracoŭki incydentaŭ Nacbanka.
Ciapier čytajuć
«Da akcyi dałučylisia tolki marhinały». Što pisaŭ u čatach paśla svajho vykryćcia kadebešnik, adkazny za biełaruskuju emihracyju1
Kamientary