U finalnym matčy 31 śniežnia haduncy Alaksandra Andryjeŭskaha pieramahli haspadaroŭ turniru – šviejcarski «Davos».
Chakiejny kłub «Dynama» Minsk (hałoŭny trenier – Alaksandr Andryjeŭski) staŭ pieramožcam najstarejšaha chakiejnaha turniru Jeŭropy – Kubak Špenhlera.
Turnir prachodziŭ u šviejcarskim Davosie z 26 pa 31 śniežnia.
U finalnym matčy 31 śniežnia «Dynama» pieramahło «Davos» ź likam 3:1 (1:0, 1:0, 1:1, Alaksandr Kułakoŭ, 9, Dzianis Kačatkoŭ, 25, Dźmitry Mialeška, 60, Juraj Kołnik, 41).
«Dynama» i «Davos» hulali ŭ pieršym tury adnakołavaha turniru, i tady šviejcarcy pieramahli – 3:2. Minčuki zatym atrymali try pieramohi zapar. 27 śniežnia vyjhrali ŭ «Manhiejma» 2:1, razhramili 29 śniežnia «Enierhi» (Karłavy Vary, Čechija) – 8:0 i, urešcie, 30 śniežnia pieramahli zbornuju Kanady (składajecca z hulcoŭ, što vystupajuć u Jeŭropie) – 4:3.
***
Kubak Špenhlera pravodzicca ad 1923 h.
Sioleta pravodziŭsia 83-ty raz (niekalki razoŭ turnir nie pravodziŭsia z pryčyny Druhoj suśvietnaj i finansavych prablem).
Biełaruski kłub upieršyniu braŭ udzieł u hetych prestyžnych spabornictvach.
Tradycyjna haspadary turniru zaprašajuć na nastupny hod pieramožcaŭ sioletniaha turniru.
***
Što da «Dynama», to kłub 1 studzienia viartajecca ŭ Minsk, kab adrazu vylecieć u Sibir, dzie praciahnuć udzieł u siezonie Kantynientalnaj chakiejnaj lihi. 3 studzienia ŭ Novasibisrku minčuki zhulajuć z kłubam «Sibir».
U Minsk vialiki chakiej vierniecca 14 studzienia, kali «Dynama» zhulaje z mahnitahorskim «Mietałurham»,
16-ha – matč z «Aŭtamabilistam», a 18-ha – z čelabinskim «Traktaram».
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary