Apošni tydzień kastryčnika ŭ Biełarusi budzie ciaplejšy za klimatyčnuju normu na 3—5 hradusaŭ. Pra heta raskazaŭ sinoptyk Dźmitryj Rabaŭ u efiry telekanała ANT.
Z 26 kastryčnika da 1 listapada ŭ krainie zachavajecca ŭmierana ciopłaje vosieńskaje nadvorje, adnak jano budzie niaŭstojlivym. Atmaśfiernyja franty i vilhotnyja pavietranyja masy pryniasuć daždžy i paryvisty viecier.
U paniadziełak, 26 kastryčnika, Biełaruś zakranie vilhotny małaaktyŭny atmaśfierny front. Daždžy projduć amal pa ŭsioj krainie. Unačy tempieratura składzie ad +6 da +12 hradusaŭ, udzień — da +9 na zachadzie i da +15 na Homielščynie.
U aŭtorak, 27 kastryčnika, atmaśfierny front pačnie adychodzić na ŭschod, ale jaho ŭpłyŭ zachavajecca. Unačy karotkačasovyja daždžy mahčymyja pa ŭsioj krainie, a ranicaj i ŭdzień — pieravažna va ŭschodnich rajonach. Pry prajaśnieńniach unačy miescami mahčymyja zamarazki da −2 hradusaŭ, adnak u bolšaści rehijonaŭ budzie ad +2 da +8. Udzień pavietra prahrejecca da +7 u Viciebskaj vobłaści i da +12…+14 na Brestčynie i Homielščynie.
U sieradu, 28 kastryčnika, nadvorje budzie vyznačać vobłaść vysokaha atmaśfiernaha cisku razam z małaaktyŭnym atmaśfiernym frontam, jaki pryniasie łakalnyja daždžy. Unačy čakajecca ad +2 da +7 hradusaŭ, miescami mahčymyja zamarazki da −3. Udzień budzie ad +9 na poŭnačy da +14…+16 na poŭdni Biełarusi.
U čaćvier, 29 kastryčnika, vilhotnyja pavietranyja masy i vobłaść vysokaha atmaśfiernaha cisku abumoviać daždžlivaje nadvorje amal pa ŭsioj krainie. Vierahodnyja tumany i vysokaja vilhotnaść. Unačy tempieratura składzie ad +2 da +8 hradusaŭ, biez zamarazkaŭ, udzień — ad +7 na paŭnočnym uschodzie da +12 na poŭdni.
U piatnicu, 30 kastryčnika, na nadvorje paŭpłyvajuć vilhotnaje pavietra z Bałtyjskaha rehijona i vobłaść vysokaha atmaśfiernaha cisku. Miescami projduć nievialikija daždžy. Unačy i ranicaj budzie ad +3 da +8 hradusaŭ, udzień — ad +7 u paŭnočnych rehijonach da +13 na paŭdniovym zachadzie.
U subotu, 31 kastryčnika, čakajecca pieramiennaja vobłačnaść bieź istotnych apadkaŭ. Unačy tempieratura apuścicca da +2…+7 hradusaŭ, udzień składzie +8…+13.
U niadzielu, 1 listapada, budzie vobłačna z prajaśnieńniami. U bolšaści rajonaŭ istotnyja daždžy małavierahodnyja, ale ŭnačy i ranicaj čakajucca tumany, jakija mohuć źnizić bačnaść da 500 mietraŭ. Tempieratura ŭnačy składzie ad +4 da +9 hradusaŭ, udzień — ad +9 u Viciebskaj vobłaści da +13 u Homielskaj i Bresckaj.
Kamientary