Polšča ličyć błohiera Leanida Myšleńnika pahrozaj dla biaśpieki dziaržavy i źbirajecca pazbavić abarony
U 2020‑m jon, prychilnik ruskaha śvietu, prachodziŭ mima pratestaŭ u Breście, trapiŭ na sutki — i zakruciłasia. U Varšavie Myšleńnik doŭhi čas byŭ biazdomnym, stvaryŭ błoh z zaciataj krytykaj demakratyčnych siłaŭ.
16 vieraśnia 2026 hoda kiraŭnik Upraŭleńnia pa spravach zamiežnikaŭ Polščy padpisaŭ rašeńnie pazbavić abarony bieraściejca Leanida Myšleńnika, aŭtara błoha «Dumać nie baluča». Dakumienty apublikavaŭ jaho siabar Siarhiej Piatruchin.
Praceduru pačali pa zapycie kiraŭnika Ahienctva ŭnutranaj biaśpieki (ABW). Ahienctva «maje infarmacyju, jakaja śviedčyć, što Leanid Myšleńnik ujaŭlaje pahrozu dla biaśpieki dziaržavy».
Myšleńnik pradstaŭlajecca byłym bresckim pradprymalnikam. Da 2020 hoda jon mieŭ prarasijskija pohlady. Nasiŭ hieorhijeŭskuju stužku, chvaliŭ Pucina, repościŭ kanały «ŁDNR».
Uviečary 9 žniŭnia 2020 jon spytaŭ u siłavikoŭ, jakija pierakryli centr Bresta, dzie možna pahulać. Jaho žorstka zatrymali i dali 10 sutak aryštu. Kryminalnaj spravy na jaho ŭ Biełarusi nie było.
Paśla vyzvaleńnia Myšleńnik pajechaŭ u Polšču na lačeńnie, tam i zastaŭsia. Apynuŭsia na vulicy, niekalki miesiacaŭ žyŭ u zakinutym budynku Varšaŭskaha ŭniviersiteta. Z časam atrymaŭ mižnarodnuju abaronu.
Viadzie małapapularny kanał «Dumać nie baluča», u efirach jakoha ŭ niecenzurnaj formie daje acenku biełaruskim demakratyčnym siłam. Źjaŭlajecca zaciatym krytykam Śviatłany Cichanoŭskaj, udzielničaŭ u «Schodzie nieabyjakavych».
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich2121
Kamientary