Fota: «Łuniniec Online»
Na palicach kram Łuninca ŭviečary nie znajści zvyčajnaj «cahlinki», piša «Łuniniec Online». Lepšaja situacyja ŭ rajpoŭskich kramach, bo tam piakuć svoj chleb. U čym ža pryčyna raptoŭnaha deficytu?
— Chlebazavod pierastaŭ zabirać čerstvy, tamu stali zakazvać mienš, — adkazała pradavačka handlovaha abjekta na pytańnie, čamu niama «cahlinki».
Dyrektar chlebazavoda Pavieł Vabiščevič raspavioŭ, što na respublikanskim uzroŭni było zabaroniena zabirać z handlu čerstvy chleb. Raniej pa pałažeńniach sanitarnych normaŭ jaho puskali na pierapracoŭku. Ciapier hetaha rabić nielha. Tamu chlebazavod, zabirajučy čerstvy chleb i adpraŭlajučy jaho na ŭtylizacyju, paniasie straty. Na finansavaj dziejnaści heta adbiłasia b niehatyŭna.
— My vykonvajem zajaŭki ŭ tych abjomach, jakija dajuć handlovyja punkty. U našych firmovych kramach prablem z chlebam niama, — zapeŭniŭ Pavieł Vabiščevič.
Imavierna, takaja prablema jość i ŭ inšych haradach, naprykład, na tuju ž prablemu skardzilisia žychary Rahačoŭskaha i Žłobinskaha rajonaŭ.
Čytajcie taksama:
Žurnalisty puła Karanika pryvieźli aleniam 2,5 tony hniłoj sadaviny. Žyvioły jeści nie stali
