Sud u Kijevie pa spravie zabojstva Paŭła Šaramieta prypynili, bo fihuranty vajujuć
Biełaruski žurnalist zahinuŭ vosiem hadoŭ tamu.
Sud pa spravie ab zabojstvie žurnalista «Ukrainskaj praŭdy», biełarusa Paŭła Šaramieta prypyniŭ razhlad da demabilizacyi adnoj z abvinavačanych Jany Duhar, piša «Ukrainskaja praŭda».
Spynić spravu paprasiła abarona abvinavačanych, bo dvoje fihurantaŭ, Jana Duhar i Andrej Antonienka, słužać u vojsku. Duhar mabilizavanaja, Antonienka — słužyć pa kantrakcie.
Bajavy miedyk Duhar udakładniła, što maje kirujučuju pasadu i zajmajecca evakuacyjaj bajcoŭ z pola boju. Antonienka rastłumačyŭ, što vajuje na adnym z važnych kirunkaŭ. Treciaja fihurantka Julija Kuźmienka raspaviała, što taksama vyjazdžaje ŭ pryfrantavyja rehijony jak doktarka.
Paciarpiełyja — maci i dačka Šaramieta, a taksama redaktar-zasnavalnica UP Alena Prytuła — padtrymali adkład razhladu. Ich advakat taksama słužyć va USU, tamu raniej paciarpiełyja ŭžo prasili prypynić sud da kanca vajny.
***
Biełaruski žurnalist, a zatym adzin z kiraŭnikoŭ «Ukrainskaj praŭdy» Pavieł Šaramiet zahinuŭ ad vybuchu ranicaj 20 lipienia 2016 hoda. Jamu padkłali vybuchoŭku pad aŭtamabil.
U 2017 hodzie žurnalisty vypuścili ŭłasnaje rasśledavańnie, u jakim vyśvietlili, što pad domam, dzie žyŭ Šaramiet, u noč, kali pad mašynu zakłali vybuchoŭku, znachodzilisia padazronyja mašyny. Kiroŭcam adnoj ź ich byŭ były supracoŭnik SBU Ihar Uścimienka. Akramia taho, rabotniki Słužby biaśpieki «pačyścili» adzin ź siervieraŭ ź videa pablizu doma Šaramieta.
12 śniežnia 2019 hoda pravaachoŭniki paviedamili, što zatrymali troch padazravanych u zabojstvie: doktara i vałanciora Juliju Kuźmienka, muzykanta Andreja Antonienku, vajskovuju miedsiastru Janu Duhar.
22 maja 2020 hoda śledstva pa spravie mierkavanych vykanaŭcaŭ zabojstva było zavieršana. U žniŭni 2020 sud pryznačyŭ spravu da razhladu. Usie zatrymanyja admaŭlajuć svajo dačynieńnie da złačynstva i ličać pieraśled palityčnym.
Vierahodnyja zakazčyki zabojstva nazvanyja nie byli. Rasśledavańnie ŭ dačynieńni da ich vydzielena ŭ inšuju spravu i praciahvajecca.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha15
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary