«U nas nie hnutkaja, umoŭna zakonnaja sistema prazachodnich talerastaŭ!» Homielski čynoŭnik prakamientavaŭ marš rasijskich fanataŭ
Na ŭčarašnija publikacyi niezaležnych ŚMI ab masavym šeści ŭ Homieli rasijskich handbolnych fanataŭ, jakija jaŭna nie atrymlivali na jaho dazvołu ad uładaŭ, adreahavali miascovyja ŭłady. Na kanale, jaki kantraluje načalnik kamiteta infarmacyjna-analityčnaj pracy i manitorynhu Homielskaha abłvykankama Dźmitryj Isačanka, źjaviŭsia kamientar ideołaha, zaŭvažyŭ «Fłahštok».
Praŭda, ničoha kankretnaha ideołah pa hetaj spravie nie skazaŭ, abmiežavaŭšysia pafasnymi łozunhami ŭ apraŭdańnie parušalnikaŭ pryniatych łukašystami drakonaŭskich zakonaŭ.
Niesankcyjanavanaje šeście pa Homieli jon nazvaŭ «prachodkaj spartyŭnych fanataŭ z brackaj Rasiei», jakoje, na jaho dumku, nielha paraŭnoŭvać «z šabašami ekstremistaŭ» biełarusaŭ.
«U Biełarusi sport — heta pra sport, a nie pra palityku!», — zajaviŭ ideołah, paviedamiŭšy, što i rasiejcy, maŭlaŭ, pieraśledavalisia — «tyja, chto pavodziŭ siabie supraćzakonna».
Uvohule ž, jak jon śćviardžaje: «Zakon u nas adziny i mocny, a nie hnutkaja, umoŭna zakonnaja sistema prazachodnich talerastaŭ!»
Akramia šeścia, fanaty «Zienita» pakinuli hrafici na haradskim Centry kultury, a taksama pad aficyjnym čyrvona-zialonym ściaham praviali «vystavu» ultrapravaj simvoliki.
24 studzienia šumnaja kałona zaŭziataraŭ rasijskaha handbolnaha kłuba «Zienit» prajšła šeściem ad Pryvakzalnaj płoščy, praz praśpiekt Lenina da spartkompleksu ŭ Homieli na vulicy Iryninskaj. U kałonie byli pryjezdžyja rasiejcy z dymavymi šaškami, barabanami, fanaty skandavali «kryčałki». Praviadzieńniu niaŭzhodnienaha masavaha šeścia ŭ centry horada milicyja nie zaminała i pra parušeńni pravaparadku aficyjna nie paviedamlała.
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary