«Na miažy nas usie ŭžo viedajuć». Biełarusy dzieviać miesiacaŭ šukajuć košku, jakaja zhubiłasia na pamiežnym pierachodzie
Siamja biełarusaŭ užo dzieviać miesiacaŭ šukaje ŭ Polščy tajskuju košku — hadavanka ŭciakła z mašyny padčas nadhladu na pamiežnym pierachodzie «Brest-Ciarespal». Da nastupleńnia chaładoŭ haspadary samastojna jeździli na miažu, ciapier pošukami zajmajucca vałanciory, piša Most.
«Na miažy nas usie ŭžo viedajuć, — raskazali haspadary koški. Nadzieja, što hadavanka znojdziecca, rastaje z kožnym dniom. — U lesie jana prosta zahinuła b. Tak što varyjantaŭ niašmat: albo jaje chtości padabraŭ i addaŭ u prytułak dla žyvioł, albo ŭžo ŭsio», — uśviedamlajuć haspadary. Ale tym nie mienš nie zdajucca.
Zhublenaja koška była čypavanaja. Adnak vałanciory i prytułki nie zaŭsiody skanujuć čypy žyvioł — heta ŭskładniaje pošuki.
Za čas pošukaŭ biełarusy paznajomilisia ź ludźmi, hadavancy jakich hetak ža ŭciakali padčas nadhladaŭ na miažy. Pa słovach biełarusaŭ, kožny miesiac źbiahaje choć by adzin kot. A historyj sa ščaślivym kancom jany nie viedajuć.
«Na miažy vialiki lasny masiŭ. Kali žyviolina paśpieje tudy ŭciačy, to złavić jaje budzie składana. Prablema i ŭ tym, što haspadar nie maje prava adrazu ž biehčy za hadavancam — treba atrymać dazvoł ad pamiežnika. Tak hublajucca kaštoŭnyja siekundy».
Zvyčajna žyvioły źbiahajuć pry prachodžańni miažy z-za stresu. Jany pałochajucca rezkich hukaŭ, nieznajomych ludziej i niazvykłych pachaŭ.
«Tamu my chacieli b dać paradu ŭsim, chto pieravozić svaich katoŭ: abaviazkova pryviazvajcie łancužok da pieranoski. Heta značna źnizić ryzyki ŭ momant, kali vy adkryjecie mašynu dla pamiežnikaŭ».
Čytajcie taksama:
Ukrainskija vajskoŭcy dla baraćby z pacukami viazuć na front katoŭ
«Miortvaja kotka ŭ aknie, a tyja, što ŭ žyvych, jeli prusakoŭ». Piekła ŭ minskaj kvatery
-
Viadučy «Krainy dla žyćcia» Salankoŭ ab zajavach Paźniaka: «Kali čałaviek jeb***ŭsia, treba ab hetym tak i havaryć»
-
Maładuju minčanku, jakaja zajmałasia alternatyŭnaj miedycynaj, asudzili pa troch palityčnych artykułach. Imaviernaja pryčyna — kamientary ŭ telehramie
-
Vučeńni «Zachad-2025»: ci napadzie Rasija na krainy Bałtyi?
Ciapier čytajuć
U Biełarusi źbirajucca pravodzić renavacyju pa šlachu Rasii — znosić chruščoŭki i pierasialać žycharoŭ43
Kamientary
https://nashaniva.com/334858