Vyjavilisia svajackija suviazi pamiž ułaśnikami «Karony» Paŭłam Tapuzidzisam i Viktaram Piatrovičam
Jak daviedaŭsia Biełaruski rasśledavalnicki centr, biznesmienaŭ Paŭła Tapuzidzisa i Viktara Piatroviča źviazvaje nie tolki sumiesnaje vałodańnie «Tytuń-Inviest» i prysutnaść u sankcyjnym śpisie ZŠA.
U materyjale śćviardžajecca, što plamieńnik Viktara Piatroviča — syn Paŭła Tapuzidzisa. Jak tak vyjšła?
U Viktara Piatroviča jość siastra Halina. Jana vałodaje kampanijaj pa aptovaj realizacyi lekaŭ i srodkaŭ miedyčnaha pryznačeńnia «Lihmaton».
Pa źviestkach «Kibierpartyzanaŭ», u pašparcie Haliny Jaŭhienaŭny Piatrovič paznačany syn — Hieorhij Paŭłavič Piatrovič. U 2020-m hodzie jon pamianiaŭ svajo proźvišča na Tapuzidzis.
Hieorhij taksama paznačany jak syn u dakumientach samoha aliharcha, ale nie ŭ jaho žonki Iryny.
Hieorhij Tapuzidzis pačynaŭ karjeru ŭ «Tytuń-Inviest» u baćki, paśla pracavaŭ u EPAM Systems (2013-2020). Paralelna, u 2014, jon staŭ suzasnavalnikam «Lihmatona». Miarkujučy pa źviestkach z bazaŭ DAI, u 2021 jon byŭ pieršym namieśnikam dyrektara kampanii.
Čytajcie jašče:
Pavieł Tapuzidzis: «Vydam zahad i prymušu ciabie lubić biełaruskuju movu»
Stała viadoma, chto žanich byłoj deputatki Maryi Vasilevič26
Kamientary
Raśledvańnie BRC vyśvietliła, što heta chłuśnia, tapuzidzis ščylna siadzić na absłuhoŭvańni karupcyjnych schiem siamji i atačeńnia łukašenki, a dyskutavać mahčyma tolki ab tym, mienavita čyj jon hamaniec i ŭ jakoj stupieni jon hamaniec.