U rasijskim Jarasłaŭli praduchilili ataku drona na pierapracoŭčy zavod
Srodki radyjoelektronnaj baraćby (REB) praduchilili ataku bieśpiłotnika na naftapierapracoŭčy zavod «Słaŭnafta-Janas», paviedamiŭ hubiernatar Jarasłaŭskaj vobłaści Michaił Jaŭrajeŭ.
«Na miescy zdareńnia pracujuć pravaachoŭnyja orhany i śpiecyjalnyja słužby. Paciarpiełych niama, uzharańnia niama», — napisaŭ jon u telehram-kanale.
Nova-Jarasłaŭski naftapierapracoŭčy zavod byŭ uviedzieny ŭ ekspłuatacyju ŭ 1961 hodzie. Z 1995 hoda NPZ uvachodzić u skład naftavaj kampanii «Słaŭnafta». Siaredni abjom pierapracoŭki nafty na zavodzie — kala 15 młn t u hod. Pa vynikach 2022 hoda pradpryjemstva zaniało treciaje miesca pa abjomie pierapracoŭki nafty ŭ Rasii. NPZ vyrablaje ŭ tym liku aŭtamabilnyja bienziny, dyzielnaje paliva, avijacyjny kierasin, piša RBK.
U studzieni saŭładalnik Pieciarburhskaha naftavaha terminała (AT «PNT») Michaił Skihin paviedamiŭ, što siły SPA praduchilili «žachlivuju katastrofu». Jak zajaviła tady Minabarony, byŭ pierachopleny dron nad terytoryjaj Leninhradskaj vobłaści.
Bieśpiłotnik byŭ padaŭleny srodkami REB. Abłomki ŭpali pa adrasie: Vuhalnaja havań, 32, dzie znachodzicca terminał. Pa słovach hubiernatara Sankt-Pieciarburha Alaksandra Biehłova, paciarpiełych nie było.
«Samy cymus»: historyk napisaŭ knihu pra toje, jak abaranki skaryli Amieryku, a draniki stali i jaŭrejskaj stravaj 1
«Dazvolili pakinuć tolki adnu cyharetu». Na łatvijskaj miažy biełarusaŭ prymušajuć vykidać ałkahol, kastruli i nie tolki3
«Studentaŭ-płatnikaŭ u dziaržaŭnych VNU stanie bolš». Čamu ŭ Biełarusi zakryli adrazu dva pryvatnyja ŭniviersitety? 1
Kamientary